قازاقستاندا ءدارى- دارمەك باعاسى ارزانداۋى مۇمكىن
ءمينيستردىڭ ايتۋىنشا، وعان ارمەنيا ەلىنىڭ ەۋرازيالىق ەكونوميكالىق وداق شەڭبەرىندە ءدارى- دارمەك اينالىمىنىڭ ءبىرىڭعاي قاعيداتتارى تۋرالى كەلىسىمگە قوسىلۋى سەپ بولادى. بۇل قۇجاتقا سايكەس، قازاقستانعا ءدارى يمپورتتايتىن وندىرۋشىلەر قاتارى ارتادى دەگەن ءسوز.
ءبىراق بارلىق پرەپاراتتار حالىقارالىق ستاندارتتارعا سايكەس بولىپ، ەۋرازيالىق ەكونوميكالىق وداق بەكىتكەن تىزىمگە ەنۋى ءتيىس. سونىمەن قاتار ءبىرىڭعاي اقپاراتتىق جۇيە قۇرىلىپ، بارىنە ورتاق باقىلاۋ ەرەجەلەرى پايدا بولادى.
تامارا دۇيسەنوۆا، ق ر دەنساۋلىق ساقتاۋ جانە الەۋمەتتىك دامۋ ءمينيسترى:
- قازىرگى ۋاقىتتا وداق ەلدەرىندە مەديتسينالىق بۇيىمداردىڭ ورتاق نارىعىن قالىپتاستىرۋ بويىنشا ءتيىستى جۇمىستار جۇرگىزىلىپ جاتىر. كەلىسىم ورتاق نارىق اياسىندا دارىلىك زاتتار اينالىمىنىڭ ورتاق قاعيداتتارىن بەلگىلەيدى. وداق شەڭبەرىندە دارىلىك زاتتاردىڭ سپاسىنا قويىلاتىن ورتاق تالاپتاردى قاراستىرادى.
www.24.kz
