قازاقستاندىق «بەك ەير» اۋە كومپانياسىنىڭ اتاۋى «حالىق ەير» بولىپ وزگەرتىلدى

الماتى. قازاقپارات - «بەك ەير» اۋە كومپانياسىندا رەبرەندينگ ءراسىمى باستالدى.

ياعني، بۇدان بىلاي «بەك ەير» اۋە كومپانياسى - «حالىق ەير» اۋە كومپانياسى بولىپ اتالادى. بۇل تۋرالى بۇگىن اتالمىش كومپانيانىڭ رەسمي سايتىندا جاريا ەتىلدى.

الداعى ۋاقىتتا «حالىق ەير» اۋە كومپانياسى «بەك ەير» ساۋدا ماركاسىنا تيەسىلى بارلىق رەيستەردى ورىندايدى.

«رەبرەندينگ جاساۋ «حالىققا ارنالعان اۋە كومپانياسى» اتتى جارنامالىق ۇرانىمىزعا بارىنشا سايكەس بولۋعا دەگەن تالپىنىستان تۋىندادى. بۇعان قوسا، ءبىز اۋە كومپانياسىنىڭ قىزمەتىنە اسەر ەتىپ جاتقان سىرتقى فاكتورلارعا قاراماستان، جولاۋشىلارىمىزدىڭ قولداۋىن سەزىپ جاتىرمىز. بۇل ءۇشىن ولارعا ريزاشىلىعىمىزدى بىلدىرەمىز. ال رەبرەندينگ ءراسىمى ءبىرشاما ۋاقىت الادى. ءبىراق ءبىزدىڭ جولاۋشىلار ءۇشىن ەشتەڭە وزگەرمەيدى: رەيستەردىڭ نومىرلەرى وزگەرىسسىز قالادى، بيلەتتەر ادەتتەگىدەي اۋە بايلانىسى اگەنتتىكتەرىندە ساتىلا بەرەدى، اۋە رەيستەرى سول بۇرىنعى ۇشاقتار ارقىلى ورىندالادى، ەكيپاج مۇشەلەرى مەن ينجەنەرلىك- تەحنيكالىق قىزمەتتىڭ قۇرامى دا وزگەرىسسىز قالا بەرمەك. سونىمەن قاتار، «حالىق ەير» اۋە كومپانياسىنىڭ ۇشۋ جانە اۆياتسيالىق قاۋىپسىزدىك سالاسىنداعى ساياساتى وزگەرمەيدى، ول ەڭ جوعارى دەڭگەيدە بولادى»، - دەلىنگەن حابارلامادا.

وسىلايشا، «بەك ەير» ساۋدا ماركالى «حالىق ەير» اۋە كومپانياسى «حالىققا ارنالعان اۋە كومپانياسى» ۇرانىن جۇزەگە اسىرۋ ماقساتىندا رەبرەندينگ ءراسىمىن جۇزەگە اسىرۋعا كىرىستى.

اۆتور: ايبوتا جاپپاربەرگەن