09:47, 25 - مامىر 2016 | GMT +5
تۇتىندەپ، وت شاشاتىن گيتارا جاسالدى - كەسكىن
استانا. قازاقپارات - بريتاندىق ونەرتاپقىش كولين فەرز كادىمگى ەلەكتر گيتاراسىنان وتشاشار گيتارانى قۇراستىرىپ شىقتى.
سونداي-اق ونەرتاپقىش باس- گيتارانى جارقىلدايتىن ستروبوسكوپ جانە ءتۇتىن شىعاراتىن قۇرىلعىمەن جابدىقتادى. مۋزىكالىق قۇرالدار كورسەتىلگەن بەينەجازبا اۆتوردىڭ YouTube ۆيدەوحوستينگىندە ارناسىندا جاريالانعان، سونداي-اق وندا ونەرتاپقىشتىڭ جوبانى قالاي جاساعانىن بايانداعان روليكتەر جۇكتەلگەن.
ستروبوسكوپ جانە ءتۇتىن ماشينكاسىمەن جابدىقتالعان باس-گيتارا ءۇشىن كولين فەرز دايىن ءتۇتىن ۇرلەيتىن قۇرىلعىنى پايدالاندى.
وتشاشار گيتارانى قۇراستىرۋ كەزىندە اۆتور ونىڭ مويىنىنىڭ باس جاعىنا ەكى وت ۇرلەيتىن قۇبىر مەن وعان گاز جىبەرەتىن تۇتقالاردى بەكىتتى. گاز باللونى دەكانىڭ وزىندە ورنالاستىرىپ، سول ءۇشىن اسپاپتىڭ شاناعىنىڭ ءبىر بولىگى كەسىلىپ، الىنىپ تاستالدى.
