08:45, 24 - مامىر 2016 | GMT +5
گاۆاي ارالدارىندا تۋريستەر مىنگەن ۇشاق اپاتقا ۇشىرادى
استانا. قازاقپارات - امەريكالىق كاۋاي ارالىندا (گاۆاي شتاتى) دۇيسەنبى كۇنى ءبىر موتورلى ۇشاق اپاتقا ۇشىرادى دەپ حابارلادى، ت ا س س.
KITV Island تەلەارناسىنىڭ حابارلاۋىنشا، ۇشاق بورتىنداعى 5 ادامنىڭ بارلىعى قازا تاپتى. تەلەارنانىڭ اقپاراتىندا ۇشاقتا پيلوتتان بولەك، پاراشيۋتپەك سەكىرۋ ءۇشىن شىققان ەكى تۋريست جانە ەكى ينسترۋكتور بولعانى ايتىلدى. وقيعا پورت-اللەن اۋەجايىنان ۇشىپ شىققاندا بولعان. 4 ادام اپات ورنىندا مەرت بولسا، 1 ادام اۋرۋحانادا كوز جۇمدى.
