ءۇندىستاندا تۇيە اپتاپ ىستىقتا بايلاۋلى قالدىرىپ كەتكەن يەسىنىڭ باسىن جۇلىپ الدى

استانا. قازاقپارات - ءۇندىستاننىڭ بارمەر وكرۋگىندە اپتاپ ىستىقتا اياعى بايلاۋلى قالعان تۇيە يەسىنىڭ باسىن جۇلىپ الدى.

بۇل تۋرالى The Times of India حابارلادى.

جانۋاردىڭ يەسى ونى بايلاپ كەتكەنىن كەشكە عانا ەسىنە تۇسىرگەن. ول تۇيەنى بوساتپاق بولعاندا، جانۋار يەسىنە شابۋىلداعان.

كۋاگەرلەردىڭ سوزىنە قاراعاندا، تۇيە ەر ادامنىڭ موينىنان تىستەپ، كوتەرىپ كەلىپ جەرگە ۇرعاندا باسىن جۇلىپ العان، دەپ جازدى ر ي ا نوۆوستي.

جانۋاردى ساباسىنا كەلتىرۋ ءۇشىن 25 ادام التى ساعات ارپالىسقان.

ءۇندىستاننىڭ بۇل ايماعىندا، رادجاستان شتاتىندا، اپتاپ ىستىقتىڭ رەكوردتىق كورسەتكىشى انىقتالعان. وقيعا بولعان كۇنى اۋا تەمپەراتۋراسى +43 گرادۋسقا دەيىن كوتەرىلگەن.