نوبەل سىيلىعىنىڭ لاۋرەاتتارى نازاربايەۆ ۋنيۆەرسيتەتىندە ءدارىس وقيدى

استانا. قازاقپارات - 25- مامىردا نازاربايەۆ ۋنيۆەرسيتەتىندە استانا ەكونوميكالىق فورۋمىنىڭ «Spring Astana Economic School» ارنايى باعدارلاماسى اياسىندا نوبەل سىيلىعىنىڭ لاۋرەاتتارى ءدارىس وقيدى.

بۇل تۋرالى فورۋم ۇيىمداستىرۋشىلارى حابارلادى.

اتاپ ايتقاندا اريزونا شتاتى ۋنيۆەرسيتەتىنىڭ پروفەسسورى، ميننەاپوليس فەدەراتيۆتىك رەزەرۆ بانكىنىڭ ەكونوميسى ەدۆارد پرەسكوت، لوندون ەكونوميكا مەكتەبىنىڭ پروفەسسورى كريستوفەر پيسساريدەس، نيۋ-يورك جانە پرينستون ۋنيۆەرسيتەتتەرىنىڭ پروفەسسورى توماس سەردجەنت ءدارىس وقيتىندىعى كۇتىلۋدە.

دارىسكە نازاربايەۆ ۋنيۆەرسيتەتىنىڭ پروفەسسورلىق-وقىتۋشىلار قۇرامى مەن ستۋدەنتتەرى، سونداي-اق ەۋرازيا ۇلتتىق ۋنيۆەرسيتەتىنىڭ ستۋدەنتتەرى مەن وقىتۋشىلارى جانە قازاقستاننىڭ باسقا دا جوعارى وقۋ ورىندارىنىڭ ستۋدەنتتەرى قاتىسادى.

اۆتور: مارلان جيەمباي