ەلىمىزدە اسكەري جوعارى وقۋ ورىندارىنا كۋرسانتتاردى قابىلداۋ باستالدى
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
وقۋعا تۇسۋگە قۇجاتتاردى قابىلداۋ 15 - ماۋسىمعا دەيىن جالعاسادى. ارنايى تەكسەرۋدەن وتكەن، وقۋعا دەنساۋلىق جاعدايى بويىنشا جارامدى، ۇ ب ت- نىڭ ءتورت ءپانى بويىنشا كەم دەگەندە 50 بال جيناعان تۇلەكتەر ەلىمىزدىڭ اسكەري جوعارى وقۋ ورىندارىنا تۇسە الادى.
جىل سايىن ەلىمىزدىڭ اسكەري جوعارى وقۋ ورىندارىندا وقىتۋدىڭ جاڭا باعدارلامالارى قايتا ازىرلەنىپ، ەنگىزىلۋدە. ەندى ق ر قورعانىس مينيسترلىگى اسكەري وقۋ ورىندارىنىڭ كۋرسانتتارى شەت ەلدەردىڭ اسكەري جوعارى وقۋ ورىندارىندا وقۋىن جالعاستىرا الادى. ءبىرىنشى كۋرس اياقتالعاننان كەيىن كۋرسانتتار شەتەلدەگى اسكەري وقۋ ورىندارىنا وقۋعا ىرىكتەۋ ءۇشىن مەديتسينالىق كۋالاندىرۋدان وتەدى.
ەسكە سالا كەتسەك، بيىل جاڭا ماماندىقتار ەنگىزىلگەن. العاش رەت 2016-2017 -جىلدارى اۋە قورعانىسى كۇشتەرىنىڭ اسكەري ينستيتۋتىندا اسكەري- مەديتسينالىق فاكۋلتەت قۇرىلادى.
2016 -جىلدان باستاپ قۇرلىق اسكەرلەرىنىڭ اسكەري ينستيتۋتى «اسكەري ىستەگى مەنەدجمەنت»، «اسكەري ىستەگى لوگيستيكا»، «اسكەري ىستەگى يۋريسپرۋدەنسيا» سياقتى ماماندىقتار بويىنشا كۋرسانتتاردى دايارلاۋدى باستايدى. راديو ەلەكترونيكا جانە بايلانىس اسكەري- ينجەنەرلىك ينستيتۋتىندا «اسكەري ىستەگى راديو ەلەكترونيكا مەن ينجينيرينگ» ماماندىعى بويىنشا دايىندىق باستالدى.
تۇلەكتەر اتالمىش ماماندىقتار بويىنشا اسكەري قىزمەتتى اياقتاعاننان كەيىن ازاماتتىق سالادا جۇمىس جاساي الادى. «بۇگىندە اسكەري ءبىلىم قارقىندى دامۋدا. وقىتۋ ساپاسى جوعارى دەڭگەيگە قويىلعان. وقۋ باعدارلاماسىنا اسكەري ادەپ، اسكەري ىستەگى كوشباسشىلىق پەن باسقارۋ ستيلى. وسى فاكتورلار كۋرسانتتاردىڭ جەكە تۇلعاسىن، كوشباسشىلىق قاسيەتتەرى مەن مىنەز- قۇلقىن قالىپتاستىرادى»، - دەدى ق ر ق م ءبىلىم جانە عىلىم دەپارتامەنتىنىڭ ءبولىم باستىعى پولكوۆنيك اسەت اقكوزىنوۆ.
جىل سايىن ەلىمىزدىڭ اسكەري وقۋ ورىندارىنىڭ كۋرسانتتارى شەتەلدەردە تاعىلىمدامادان ءوتىپ، تاجىريبە جيناقتاپ، وزدەرىنىڭ بىلىكتىلىكتەرىن ارتتىرادى. اسكەري جوعارى وقۋ ورىندارىنىڭ كۋرسانتتارى ءۇشىن ءبىلىم الۋلارىنا بارلىق جاعداي جاسالعان. ولار تەگىن مەكەن- جايدا تۇرادى، ءبىلىم بەرۋ تەگىن، ءارى الەۋمەتتىك جاعىنان تولىق قامتىلادى. وقۋدى بتىرگەندەر 100 پايىز جۇمىسپەن قامتىلىپ، اسكەري لاۋازىمدارعا تاعايىندالادى.
