بىرىككەن اراب امىرلىگى رامازان ايىندا ازىق- تۇلىك باعاسى ەكى ەسەگە دەيىن ارزاندايدى

 ءابۋ- دابي. قازاقپارات -ب ا ءا- دە قاسيەتتى رامازان ايىندا ازىق- تۇلىك باعاسى ەكى ەسەگە دەيىن ارزاندايدى، دەپ حابارلايدى قازاقپارات ءتىلشىسى.

ەل استاناسى ءابۋ- دابي قالاسىنىڭ مۋنيتسيپاليتەتى وتكەن اپتادا دۇكەندەردەگى ازىق- تۇلىكتەردىڭ جۇزگە جۋىق ءتۇرىنىڭ باعاسىن 2016 -جىلعى 6 - ماۋسىمنان 5 - شىلدەگە دەيىن تومەندەتۋ تۋرالى شەشىم قابىلداعان بولاتىن.

كۇرىش، ماي، كوفە جانە ماتالارعا باعا 20 پايىزعا تومەندەيدى، قالعان نەگىزگى ازىق- تۇلىكتەردىڭ باعاسى رامازان ايىندا 50 پايىزعا دەيىن ارزانداماق، دەپ حابارلادى ب ا ءا ەكونوميكا مينيسترلىگىندە.

 ب ا ءا - مۇسىلمان ەلى، وندا رامازان ايىندا كوپشىلىكتىڭ كوزىنشە كۇندىز تاماقتانۋعا، سۋ ىشۋگە تىيىم سالىنعان. سونىمەن بىرگە قوعامدىق ورىنداردا تەمەكى شەگۋگە، ساعىز شايناۋعا جانە اشىق- شاشىق كيىنۋگە تىيىم سالىنعان.