02:25, 22 - مامىر 2016 | GMT +5
بريتانيادا سوڭعى تەمەكى فابريكاسى جابىلدى
استانا. قازاقپارات - اعىلشىننىڭ نوتتينگەم گرافتىعىندا ەلدەگى سوڭعى تەمەكى فابريكاسى جابىلدى. ساراپشىلاردىڭ پايىمداۋىنشا، كاسىپورىنعا يەلىك ەتكەن Imperial Tobacco كومپانياسى ەندى شىعىس ەۋروپالىق جانە ازيالىق نارىقتارعا كوشۋى مۇمكىن،
دەپ حابارلايدى بي- بي- سي اگەنتتىگى.
كومپانيا 1972 -جىلى ىرگەتاسى قالانعان فابريكانىڭ ساتىلاتىنى جونىندە بىرنەشە اي بۇرىن جاريا ەتىلگەن. Imperial Tobacco ءوز زاۋىتتارىن بىرتىندەپ جۇمىس كۇشى ارزانداۋ باسقا ەلدەرگە كوشىرىپ جاتىر.
زاۋىت جىلىنا ەڭ كوبى 52 ميلليارد تەمەكى شىعاراتىن، ءبىراق، كاسىپوداق وكىلى كريس نيدحەمنىڭ اتاپ وتۋىنشە، سول كەزدەن بەرى بريتانيادا تەمەكىگە دەگەن سۇرانىس وتە قاتتى تومەندەگەن.
Imperial Tobacco Group - كولەمى جاعىنان الەمدەگى ءتورتىنشى كومپانيا، British American Tobacco توبىنىڭ ەكى قۇرىلتايشىسىنىڭ ءبىرى.
