قازاقستان مەن قىرعىزستاننىڭ ۇكىمەت باسشىلارى ارمەنيا استاناسى ەرەۆاندا كەزدەستى
سۇحباتتاسۋ بارىسىندا تاراپتار اعىمداعى ماسەلەلەر مەن ساۋدا- ەكونوميكالىق، كولىكتىك- لوگيستيكالىق، قارجى جانە باسقا دا سالالارداعى ءوزارا ءىس- قيمىل پەرسپەكتيۆالارىن تالقىلادى، دەپ حابارلايدى primeminister.kz.
قازاقستاننىڭ ۇكىمەت باسشىسى قىرعىز ارىپتەسىن وسى لاۋازىمعا تاعايىندالۋىمەن قۇتتىقتاپ، جۇمىستا تابىستار تىلەدى.
كارىم ءماسىموۆ ءوزارا ءتيىمدى ەكى جاقتى ىنتىماقتاستىقتى ىلگەرىلەمەلى تەرەڭدەتۋگە باعىتتالعان جۇمىستى جالعاستىرۋعا ءۇمىت ارتىپ، قازاقستان قىرعىزستانمەن ەكونوميكالىق قاتىناستاردى دامىتۋعا باسا ءمان بەرەتىنىن ايتىپ ءوتتى.
بۇدان وزگە، كارىم ءماسىموۆ ارمەنيا رەسپۋبليكاسى پرەزيدەنتى سەرج سارگسياننىڭ ە ا ە و قاتىسۋشى مەملەكەتتەرىنىڭ ۇكىمەت باسشىلارىمەن ۇجىمدىق كەزدەسۋىنە قاتىستى.
ق ر پرەمەر-ءمينيسترى كارىم ءماسىموۆ ەۋرازيالىق ۇكىمەتارالىق كەڭەس وتىرىسىنا قاتىسۋ ءۇشىن ەريەۆانعا باردى.