20:46, 19 - مامىر 2016 | GMT +5
باۋىرجان يسلامحاننىڭ گولى - ەۋروپا ليگاسىنداعى ۇزدىك گول - كەسكىن
استانا. قازاقپارات - بريتاندىق BT Sport تەلەارناسىنىڭ رەسمي ساايتىندا داۋىس بەرۋدە قازاقستاندىقتىڭ گولى ۇزدىك دەپ تانىلدى.
ەسكە سالساق، تەلەارنا رەداكتسياسى بەس ۇمىتكەردىڭ ءتىزىمىن جاساپ، ونى كورەرمەندەر تورەلىگىنە ۇسىندى. ەۋروپا ليگاسىندا 2015-2016 -جىلعى ماۋسىمدا 1226 گول سوعىلعان. مۇندا كوپتەگەن ۇزدىك گولدار قاتارىنا باۋىرجان يسلامحاننىڭ ءدال سوققىلارى كىرگەن.
قايراتتىقتاردان باسقا ۇمىتكەرلەر تىزىمىنە مىنا فۋتبولشىلار كىردى: موحاممەد ەل- نەنني («بازەل»)، حوسە كالەحون («ناپولي»)، اريتس ادۋريس («اتلەتيك» بيلباو)، فيليپپە كوۋتينو («ليۆەرپۋل»).
«ليۆەرپۋل» مەن «سيەۆيليا» اراسىنداعى ەۋروپا ليگاسىنداعى سوڭعى ويىننان كەيىن بريتاندىقتار سايتىندا داۋىس بەرۋ ناتيجەسى جاريالاندى. وندا 86 پايىز داۋىسپەن «قايرات» ف ك كاپيتانى جەڭىسكە جەتتى. ودان كەيىنگى ورىنداردا فيليپپە كوۋتينو (%7) مەن اريتس ادۋريس (%3).
باۋىرجان يسلامحاننىڭ گولى ۆيدەودا - 1:36.
