10:10, 16 - مامىر 2016 | GMT +5
قىتاي پوليتسياسى جوعالعان بالالاردى ىزدەۋ ءۇشىن موبيلدى قوسىمشانى ىسكە قوستى
استانا. قازاقپارات - قىتاي پوليتسياسى جوعالعان نەمەسە ۇرلانعان بالالاردى تابۋعا كومەكتەسەتىن ارنايى موبيلدى قوسىمشانى ىسكە قوستى.
شينحۋا اگەنتتىگى حابارلاعانداي، بالا ۇرلانعان نەمەسە جوعالعان جەرگە جاقىن تۇرعان پايدالانۋشى قوسىمشا ارقىلى بالا تۋرالى اقپارات، سونىڭ ىشىندە سۋرەتى مەن وقيعانىڭ ءمان- جايى تۋرالى مالىمەتتى الا الادى. كۋاگەر بالانى كورگەن جاعدايدا ول پوليتسياعا حابار بەرە الادى.
الداعى ۋاقىتتا قوسىمشانىڭ فۋنكتسيالارى ارتادى. قىتايدىڭ قوعامدىق قاۋىپسىزدىك مينيسترلىگىكريمينالدىق تەرگەۋ باسقارماسىنا سايكەس ونداعى مالىمەتتى وسىنداي بالالاردى ىزدەۋمەن اينالىساتىن 5 مىڭ پوليتسيا قىزمەتى جاڭارتىپ وتىرادى.
جوعالعان نەمەسە ۇرلانعان بالالاردى ىزدەۋگە نەعۇرلىم كوپ ازاماتتى تارتۋ ءۇشىن پوليتسيا ب ا ق- پەن جانە وزگە دە موبيلدى قوسىمشانى شىعارۋشىلارمەن ىنتىماقتاستىقتى كەڭەيتۋدى جوسپارلاپ وتىر، دەپ حابارلادى ر ي ا نوۆوستي.
