استانادا قالا ساۋلەتىنە ساي كەلمەيتىن ەسكى جانە اپاتتى جاعدايداعى ۇيلەر تولىقتاي بۇزىلادى - ءا. جاقسىبەكوۆ
بۇل تۋرالى استانا اكىمى ادىلبەك جاقسىبەكوۆ ەلباسى نۇرسۇلتان نازاربايەۆتىڭ قاتىسۋىمەن وتكەن ەلوردانىڭ دامۋىنا قاتىستى جيىندا حابارلادى.
«بيىل ءبىز 2 ميلليون شارشى مەتر تۇرعىن ءۇي سالامىز. تاپسىرماعا سايكەس، قۇرىلىس ءۇش نەگىزگى باعىت بويىنشا جۇرگىزىلۋدە، ول: مىڭ جىلدىق اللەياسى، ورىنبور كوشەسى مەن تۇران داڭعىلى. سونىمەن قاتار استانانىڭ ارحيتەكتۋرالىق كەلبەتىنە جانە جوسپارىنا ساي كەلمەيتىن، ەسكى جانە اپاتتىق جاعدايداعى ۇيلەردەن تولىقتاي ارىلۋ مىندەتى دە بار»، - دەپ اتاپ ءوتتى اكىم.
ونىڭ ءسوزى بويىنشا، ول قالانىڭ ۇلكەن ماسەلەسىنە اينالدى.
«ەلوردانىڭ قازىرگى زامانعى كەلبەتىن ساماننان سالىنعان، قۇلاعالى تۇرعان نىساندار بۇزىپ تۇر. ولاردى ءبىز قالانىڭ ورتاسىنان دا كورە الامىز. سول ءۇشىن ءبىز بيىل جانە الداعى جىلدارى اپاتتىق ۇيلەردەن تولىق ارىلۋدى ۇيىمداستىردىق - بۇل 228 ءۇي. وسىلايشا، 3500 وتباسى كوشىرىلەدى، ساياجايلاردىڭ بارلىعى جويىلادى»، - دەپ اتاپ ءوتتى ءا. جاقسىبەكوۆ.
اۆتور: جاسۇلان جولدىبايەۆ
