گولوۆكين جەڭىسىن نازاربايەۆقا ارنادى
ونىڭ ۇندەۋىن قازاقستان حالقى اسسامبلەياسىنىڭ XXIV سەسسياسىندا ەرالى توعجانوۆ وقىپ بەردى.
«قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆقا. قۇرمەتتى نۇرسۇلتان ءابىش ۇلى، ءسىزدى قازاقستان حالقى اسسامبلەياسىنىڭ XXIV «تاۋەلسىزدىك. كەلىسىم. بولاشاعى ءبىرتۇتاس ۇلت» اتتى كۇن تارتىبىمەن اشىلعان سەسسياسىنىڭ اشىلۋىمەن قۇتتىقتايمىن. ءوز جەڭىسىمدى، نۇرسۇلتان ءابىش ۇلى، سىزگە، ەلىمىزگە، قازاقستاننىڭ بىرلىگى مول حالقىنا ارنايمىن. بەيبىتشىلىك پەن كەلىسىم ءاردايىم ءبىزدىڭ باستى بايلىعىمىز بولىپ قالسىن. سىزگە زور دەنساۋلىق، اماندىق تىلەيمىن»، - دەپ جازعان گولوۆكين.
ايتا كەتەيىك، جەكپە-جەك 24- ساۋىردە «فورۋم» ارەناسىندا ءوتىپ، گولوۆكين ۋەيدتى ەكىنشى راۋندتا نوكاۋتقا تۇسىرگەن بولاتىن. گولوۆكين نوكاۋتپەن اياقتالعان جەكپە-جەكتەرىنىڭ كورسەتكىشىن جاقسارتتى.
بيىل قاڭتاردا وتكەن سەزد كەزىندە نازاربايەۆ تانىمال بوكسشى گەننادي گولوۆكينگە ءسوز ارنادى. «سەن شارشى الاڭعا شىققاندا بۇكىل قازاقستاننىڭ سەنى قولدايتىنىن ايتقىم كەلەدى. ءبىز سەنىمەن ماقتانامىز. ولاردىڭ ءبارىن بارىنشا سوق تا، ەلگە ورال»، - دەدى مەملەكەت باسشىسى. زالدا وتىرعاندار ەلباسىنىڭ بۇل سوزىنە قوشەمەت ءبىلدىردى.
