وزبەكستان «ورتا ازيانىڭ ليدەرى» اتاعىن قازاقستاننان تارتىپ الۋى مۇمكىن
ونىڭ ليدەر بولۋعا بارلىق مۇمكىندىگى بار، الەۋەتى جەتىپ تۇر دەپ جازادى كوررەسپوندەنت باسىلىمى.
ارينە، وزبەكستان ەكونوميكاسى الەمدە 73-ورىندا. 2015-جىلعى ىشكى جالپى ءونىمى 75,2 ميلليارد دوللاردى قۇرادى. الايدا، كورشىمىزدىڭ ەڭ قۇندى رەسۋرسى - ونىڭ حالقى. مۇندا 31 ميلليون ادام تۇرادى. وزبەكستان بولجامداۋ جانە ماكروەكونوميكالىق زەرتتەۋلەر ينستيتۋتىنىڭ بولجامىنشا، 2031-جىلى حالىق سانى 37 ميلليوننان اساتىن بولادى.
ءومىر ساپاسىن اقشامەن عانا ولشەۋ مۇمكىن ەمەس. دەگەنمەن، ەل حالقىنىڭ باقىتتىلىعىنا قاراي باعامداپ كورۋ ارتىق ەمەس. World happiness report 2016 بايانداماسىنا سايكەس، وزبەكستان - ت م د- داعى ەڭ باقىتتى ەل. باقىت جونىندە وزبەكستان الەم بويىنشا - 49، ال قازاقستان - 54- ورىندا.
سونداي-اق، وزبەكستان - ت م د- عا گاستەربايتەرلەر جىبەرۋ جونىنەن العاشقى ورىندا. ءبىر قىزىعى، سول گاستەربايتەرلەردىڭ كوپشىلىگى - دايىن ماماندار. ويتكەنى، ولار كەڭەس زامانىنان قالعان كاسىبي ۋچيليشەلەردى جاپقان جوق. بالالار مەكتەپتە 9 جىل، سوسىن وسىنداي كاسىبي وقۋ ورىندارىندا 3 جىل وقىپ، دايىن مامان بولىپ شىعادى.
سونىمەن بىرگە، وزبەكستاننىڭ كاسىپتىك بازاسى جاقسى دامىعان. مۇندا كەزىندە ۇشاق، تراكتور، رەزينا، ەلەكترونيكا، تۇرمىستىق تەحنيكا شىعاراتىن زاۋىتتار جۇمىس ىستەپ تۇردى. ەل مۇناي، گاز، كومىر، ۋران، مەتالل وندىرەدى. ەل ەكونوميكاسىنىڭ نەگىزى - اۋىل شارۋاشىلىعى. مەملەكەت حالقىنىڭ جارتىسى اۋىلدا تۇرادى. اۋىل شارۋاشىلىعىنىڭ ءى ج و- دەگى ۇلەسى - %18. مەملەكەت وزىنە كەرەكتىنىڭ ءبارىن ءوزى وندىرەدى. ءبىراز بولىگىن ەكسپورتقا شىعارادى.
ەلدىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن تەك ماقتا وسىرەتىن ەل بولۋدان باس تارتتى. وزبەكستانداعى جالعىز پروبلەما - نان جەتىسپەۋشىلىگى. ءوز بيدايىمەن ەلدىڭ تەك شيرەگىن عانا قامتي الادى. ساپاسى دا ونشا ەمەس. سوندىقتان تاشكەنت قازاقستان مەن رەسەيدەن ءبيداي ساتىپ الۋعا ءماجبۇر.
وزبەكتەر اۆتوموبيل شىعارۋدان دا وزىق تۇر. كورەيلىك «دەۋ» كومپانياسىنىڭ زاۋىتى وزبەكستانداعى اساكا قالاسىندا ورنالاسقان. كولىك دەتالدارىنىڭ 60 پايىزى ەلدىڭ وزىندە شىعارىلادى. بىزدە ول كورسەتكىش 30 پايىزدى قۇرايدى. ديەۆالۆاتسيادان كەيىن قازاقستاندا جينالاتىن كولىكتەر ساۋداسى تىعىرىققا تىرەلگەنىن ەسكە سالامىز.
