جالقاۋلىقتان ايىقتىراتىن دۇعالار

استانا. قازاقپارات - جالقاۋلىق - يسلام زاڭدارى مەن قۇندىلىقتارىنا قايشى كەمشىلىكتەردىڭ ءبىرى.

جانە كۇللى ادام بالاسىنىڭ بويىنداعى ءبىر نەگىزگى كەمشىلىك. جالقاۋلىق ادامنىڭ اللاعا بارار جولىن جابۋعا قاۋقارلى. ول اللا تاعالا بەرگەن ۋاقىتتىڭ قۇندىلىعىن ۇمىتتىرادى، قۇلشىلىق جاساۋعا مويىن بۇرعىزبايدى. سولايشا ادامدى شىنايى سەنىمنەن ايىرادى.

جالقاۋلىق تا شايتاننىڭ ءبىر قۇرالى. جالقاۋلانۋ - ءوز ءناپسىڭنىڭ قالاۋىنا بەرىلۋ دەگەن ءسوز. جاڭا كۇننىڭ تاڭى اتقاندا دا ادام ەڭ الدىمەن جالقاۋلىقپەن سىنالادى. جالقاۋلىعىن جەڭىپ، توسەگىنەن تۇرىپ، دارەتىن الىپ قۇلشىلىق ەتەدى نەمەسە ۇيقىسىن قيماي جاتا بەرەدى. تاڭ نامازى جالقاۋلىقتان قۇتىلۋدىڭ ەڭ جاقسى جولى. ءار كۇن سايىن ەرتە تۇرۋ ارقىلى ادام جالقاۋلىعىن جەڭە باستايدى.

اللا ەلشىسى (ﷺ) جالقاۋ ادام بولماعان. ونىڭ بار عۇمىرى ۋاقىتتى بوس وتكىزبەگەنىن دالەلدەيدى. ءبىراق پايعامبارىمىزدىڭ (ﷺ) ءوزى ءبىر كۇن بولماسا ءبىر كۇنى جالقاۋلىقتىڭ ىعىنا جىعىلىپ كەتپەس ءۇشىن كەلەسى دۇعالاردى وقىعان:

«و، اللا! دارمەنسىزدىك، جالقاۋلىق سەزىمىنەن وزىڭنەن پانا ىزدەيمىن».

«و، اللا! قورقىنىش پەن قايعىدان، السىزدىك پەن جالقاۋلىقتان، قورقاقتىق پەن رۋحسىزدىقتان، ساراڭدىق پەن قارىزدان، سونداي-اق اينالامداعىداردىڭ قىساستىعىنان وزىڭنەن قورعان ىزدەيمىن».

«و، اللا! بۇل كۇنى ماعان تابىستان، جەڭىس پەن جاقسىلىقتان جاقسىسىن بەر. بۇل كۇندە جانە كەيىنگى كۇندە جاسىرىلعان جاماندىقتان مەن وزىڭنەن پانا ىزدەيمىن».

«سەرگەك جانە بەلسەندى بولۋىمىزعا كومەكتەس جانە ءبىزدى ساتسىزدىك پەن جالقاۋلىقتان قورعا».

 ماتەريال islam-today.ru سايتىنان اۋدارىلعان