16:49, 14 - ءساۋىر 2016 | GMT +5
ق ر پرەزيدەنتى مەن ساۋد ارابياسىنىڭ كورولى حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الىستى
ىستامبۇل- استانا. قازاقپارات - قازاقستان پرەزيدەنتى نۇرسۇلتان نازاربايەۆ ساۋد ارابياسىنىڭ كورولى سالمان بەن ابدەل ءازيز ءال ساۋدپەن ىستامبۇلداعى يسلام ىنتىماقتاستىعى ۇيىمى 13- سامميتى الاڭىندا كەزدەسۋ وتكىزدى،
دەپ حابارلادى اقوردانىڭ باسپا ءسوز قىزمەتى.
كەزدەسۋ بارىسىندا ەكى ەلدىڭ كوشباسشىلارى ساۋدا- ەكونوميكا، ينۆەستيتسيا، عىلىم مەن تەحنيكا جانە مادەني- گۋمانيتارلىق سالالارداعى ەكىجاقتى ىنتىماقتاستىقتىڭ احۋالى مەن پەرسپەكتيۆالارىن تالقىلادى.
قازاقستان پرەزيدەنتى مەن ساۋد ارابياسى كورولى حالىقارالىق كۇن تارتىبىندەگى وزەكتى ماسەلەلەر جانە تەرروريزم مەن ەكسترەميزمگە قارسى جاھاندىق دەڭگەيدەگى ءىس- قيمىلدىڭ نەگىزگى باعىتتارى جونىندە پىكىر الماستى.
سونىمەن قاتار، تاراپتار ي ءى ۇ سامميتىنە توقتالىپ، ونىڭ تابىستى وتەتىنىنە، قابىلدانۋى جوسپارلانعان شەشىمدەرىنىڭ ءتيىمدى بولاتىنىنا ۇمىتتەنەتىندەرىن ءبىلدىردى.
