مۇناي باعاسى قىمباتتاي باستادى

استانا. قازاقپارات - Brent ماركالى قارا التىن قۇنى 43 دوللار 50 سەنتتەن استى. ال، WTI مۇنايىنىڭ 1 باررەلى 40 دوللار 80 سەنتتەن ساۋدالاندى.

 وسىلايشا، جاھان نارىعىندا ەنەرگەتيكالىق شيكىزات باعاسى وتكەن جىلدىڭ كۇزىنەن باستاپ ەسەپتەگەندە رەكورد ورناتتى.

ايتا كەتۋ كەرەك، كومىرسۋتەگى كورسەتكىشتەرىنىڭ كوتەرىلۋىنە كاتار استاناسىندا 17 - ساۋىردە وتەتىن كەزدەسۋ تۇرتكى بولدى. ينۆەستورلار وسى باسقوسۋدا مۇناي ءوندىرۋشى مەملەكەتتەر ءوندىرىس كولەمىن ۇلعايتپاۋ تۋرالى ورتاق ىمىراعا كەلەدى دەپ ەسەپتەيدى. سونىمەن قاتار، مۇنايدىڭ قىمباتتاۋىنا قىتايدان جەتكەن ستاتيستيكا مەن ا ق ش- تاعى بۇرعىلاۋ بەلسەندىلىگىنىڭ قىسقارۋى ىقپال ەتتى. اتالعان فاكتورلاردان بولار، ءتول تەڭگە دە نىعايىپ كەلەدى. دوللاردىڭ قاسىندا 1 تەڭگە 23 تيىنعا قىمباتتاپ، 335 تەڭگە 64 تيىنعا تەڭ بولدى.

«استانا» تەلەارناسى