گەرمانياداعى پويىز اپاتىنا ۇيلەستىرۋشى ديسپەتچەرلەردىڭ ويىن ويناۋى سەبەپ بولعان
پروكۋرورلار ونىڭ ۇيالى تەلەفونمەن ويناعانى تەمىر جولداعى اپاتقا سەبەپشى بولۋى مۇمكىن دەپ سەزىكتەنىپ وتىر.
پروكۋراتۋرانىڭ ۇسىنعان مالىمەتىنە سەنسەك، ديسپەتچەر تەلەفونىنداعى ويىنعا بەرىلىپ كەتىپ، سونىڭ سالدارىنان پويىزعا قاتە بەلگى بەرگەن، سودان كەيىن قاۋىرت ءنومىردى قاتە تەرگەندىكتەن ماشينيستىڭ بىرىمەن بايلانىسقا شىعا الماعان.
تەمىرجول كومپانياسىنىڭ قىزمەتكەرى (اتى- ءجونى جاريا ەتىلمەگەن) وسى نۇسقانى مويىنداپ وتىر، دەپ حابارلايدى نەمىس باسىلىمدارى.
پويىز اپاتى 9 -اقپان كۇنى ميۋنحەننەن 60 شاقىرىم جەردە باد- ايبلينگ كۋرورت قالاسىنا جاقىن تۇستا ورىن العان. اپات سالدارىنان جۇزدەگەن جولاۋشىلار جاراقاتتاندى. ءبىر پويىز رەلستەن شىعىپ كەتىپ، بىرنەشە ۆاگون اۋدارىلىپ قالدى.
ەكى پويىزدا ساعاتىنا 100 شاقىرىم جىلدامدىقپەن كەلە جاتقان. ءارى ەكى ماشينيستە بۇرىلىستا كەلە جاتقاندىقتان ءبىر ءبىرىن كورمەگەن.
