12:29, 12 - ءساۋىر 2016 | GMT +6
ءۇش تىلگە ەمەس، تەك قازاق تىلىنە عانا «تۇعىر» ءسوزىن قولدانۋ كەرەك
استانا. قازاقپارات - بۇل تۋرالى ا ق ش- تىڭ ءومىرباياندىق حالىقارالىق زەرتتەۋ ينستيتۋتىنىڭ «الەمدەگى 2004 -جىلدىڭ ەڭ تاڭداۋلى ايەلى» اتاعىنا يە بولعان بەلگىلى قوعام قايراتكەرى، قازاقستان حالقى اسسامبلەياسىنىڭ مۇشەسى، مەملەكەتتىك تىلگە قۇرمەت بىرلەستىگىنىڭ ءتورايىمى اسىلى وسمان الماتىداعى ءال-فارابي اتىنداعى قازاق ۇلتتىق ۋنيۆەرسيتەتىندە بولعان كەزدەسۋدە ايتتى.
«قازاق حالقىنداي جۇرەگى كەڭ، دارحان ۇلت جوق دەپ ويلايمىن. ءبىر قۇرتى بولسا ءبولىپ جەدىك، قينالعاندا قۇشاعىنا الىپ، باۋىرىنا باستى. ءاربىر قازاقستاندا تۇراتىن باسقا ۇلت وكىلىنىڭ قازاق ءتىلىن ءبىلۋى - قازاق حالقىنا دەگەن قۇرمەتى دەپ بىلەمىن. ەندەشە، ءبىز قازاق تىلىندە سويلەۋگە مىندەتتىمىز»، - دەيدى «دوستىق»، «پاراسات» وردەندەرىنىڭ يەگەرى اسىلى وسمان.
فيلولوگيا عىلىمى دوكتورىنىڭ ايتۋىنشا، «ءۇش تۇعىرلى ءتىل» ءساتسىز قۇرىلعان تىركەس. تۇعىر ءسوزى تەك قانا قازاق تىلىنە قولدانىلۋى ءتيىس. قازاق ءتىلى انا ءتىلى رەتىندە ءبىر جۇك ارقالاسا، مەملەكەتتىك ءتىل رەتىندە تاعى ءبىر جۇك ارقالايدى.
