قازاقستاندا ۇزدىك مەرگەندەر تاڭداپ الىندى - فوتو
بەس كوماندانىڭ اسكەري قىزمەتشىلەرى وزدەرىنىڭ جاۋىنگەرلىك دايارلىقتارىن كورسەتتى، دەپ حابارلايدى قورعانىس مينيسترلىگىنىڭ باسپا ءسوز قىزمەتى.
«قازىر بىزدە مەرگەن بياتلونى بويىنشا ىرىكتەۋ جۇرگىزىلۋدە. بۇل سايىستار «شىعىس» وڭىرلىك قولباسشىلىعىندا وتكىزىلىپ جاتىر. ەڭ ۇزدىك مەرگەندەر كەلدى. ءار بايقاۋ سايىن ءبىز جاۋىنگەرلىك دايارلىعىمىزدى ارتتىرۋدامىز، دەنە دايىندىعى جاقسى قالىپتا ەكەنىن سەزىنۋدەمىز. مۇنداي جارىستار نەعۇرلىم كوپ بولسا، سوعۇرلىم اسكەرىمىز مىقتى بولماق»، - دەدى 10810 اسكەري ءبولىمىنىڭ اسكەري قىزمەتشىسى ەفرەيتور نۇرسۇلتان ءسابيت.
ىرىكتەۋ ءۇش كەزەڭدە ءوتتى. وندا اسكەري قىزمەتشىلەر قيراعان قابىرعالارداعى كەدەرگىلەردەن ءوتىپ، ماكاروۆ تاپانشاسىنان، دراگۋنوۆتىڭ مەرگەن ۆينتوۆكاسىنان وق اتتى، ف-1 وقۋ- جاۋىنگەرلىك گراناتالار لاقتىردى، سونداي- اق وق- دارىلەرى بار جاشىكتەردى الىپ ءجۇردى.
ەسكە سالا كەتسەك، مەرگەن شىنىققان بولۋى كەرەك. سەبەبى، وعان قالىپتى كەرەك- جاراقتان باسقا، اناعۇرلىم اۋىر قارۋدى ارتىپ جۇرۋگە تۋرا كەلەدى. 11- 15 - ءساۋىر ارالىعىندا قازاقستاننىڭ وڭتۇستىگىندە ق ر ق ك قۇرلىق اسكەرلەرى اراسىنداعى بايقاۋعا قاتىساتىن 8 اسكەري ىرىكتەۋدەن ءوتتى. ولاردىڭ اراسىنان ارميا حالىقارالىق ويىندارى - 2016 سايىسىنا ۇزدىك مەرگەندەردى تاڭداپ الىنادى. بۇل بايقاۋ قازاقستاننىڭ اۋماعىندا العاش رەت وتكىزىلگەلى وتىر.
