ءسابيىن تۋىپ تاستاپ كەتكەن كەلىنشەك، بارلىق جۋرناليستەردىڭ ۇستىنەن ارىز بەرمەك
سوعان قاراعاندا تاسباۋىر انانىڭ جازاسى الدە- قايدا جەڭىل بولاتىن ءتارىزدى، - دەپ حابارلايدى ك ت ك ارناسى.
- كەشىرىڭىزدەرشى، مەنى قىزىمنان ايىرا كورمەڭىزدەرشى. باسقا ايتارىڭىز جوق پا؟
- جوق.
كەلىنشەك بەت-ءجۇزىن كورسەتۋگە قارسىلىق بىلدىرەدى. قىزى ءۇشىن اناسىنىڭ دا ەلگە قارايتىن بەتى جوق. شەشەسى 21 جاستاعى قىزىنىڭ اياعى اۋىر ەكەنىن بىلگەن. ەلگە ماسقارا بولماس ءۇشىن، ونى مەركى اۋدانىنداعى سىڭلىسىنە بوسانۋعا جىبەرىپتى. الايدا، جارتى جولدا تولاعى قىسقان كەلىنشەك جول جيەگىندەگى دارەتحاناعا ءسابيىن بوسانىپ تاستاپ كەتكەن.
ال، كورەر جاراعى بار نارەستەنى جولاۋشىلاردىڭ ءبىرى بايقاپ، ءتىرى قالعانىن ايتا كەتەيىك. وعان جانسايا ەسىمى بەرىلىپ، قازىر بوبەكتەر ۇيىندە ءوسىپ جاتىر. تاستاندى ءبۇلدىرشىننىڭ اناسى ماماي اۋىلىنىڭ 21 جاستاعى تۇرعىنى. قازىر جاساعان اۋىر قىلمىسى ءۇشىن جاۋاپقا تارتىلۋدا. ال، ءوزى تىلشىلەرگە وشىگىپ، ءتىسىن قايراپ جۇرسە كەرەك.
- سوت بىتسە، مەن اقتالىپ شىعام. ءبىراق مەن بارلىق جۋرناليستەردىڭ ۇستىنەن ارىز تاستايمىن. مەنى قارالاعانى ءۇشىن.
- ءسىزدى ەشكىم قارالاعان جوق قوي!
- ءوز ويىڭىزدى ايتىڭىزشى؟
- جوق.
بۇعان دەيىن جامبىلدىق وتباسى جانسايانى اسىراپ الۋعا نيەتتى ەكەنى جايلى جازعان ەدىك.
Stan.kz
