اۆتومەكتەپتە وقىماستان جەڭىل اۆتوكولىكتى باسقارۋعا جۇرگىزۋشى كۋالىگىن الۋعا بولادى
كورسەتىلگەن جاڭاشىلدىقتار قر ادىلەت مينيسترلىگىندە نورماتيۆتىك قۇقىقتىق اكتىنى مەملەكەتتىك تىركەۋدەن وتكىزىپ جانە ونى جاريالانعان كەيىن كۇشىنە ەنەدى.
«جۇرگىزۋشى كۋالىگىن الۋعا ۇمىتكەرلەر ءوز بەتىمەن دايىندالعان جاعدايدا تەك مامانداندىرىلعان حالىققا قىزمەت كورسەتۋ ورتالىقتارىندا عانا ەمتيحان تاپسىراتىنىن اتاپ وتكەن ءجون. سونىمەن قاتار، اتالعان نورما كاسىبي جۇرگىزۋشىلەرگە تارالمايدى (س، D، E ساناتتارى جانە ءتيىستى ساناتتار). وسىلايشا، جەكەلەي دايىندالۋ قۇقىعىن جەڭىل اۆتوكولىك نەمەسە موتوتسيكل باسقارعىسى كەلەتىن جۇرگىزۋشىلەر پايدالانا الادى (ا، ۆ ساناتتارى جانە ءتيىستى ساناتتار)»، - دەپ اتاپ وتىلگەن ق ر ىشكى ىستەر مينيسترلىگىنىڭ مالىمەتىندە.
ەمتيحان قابىلداۋ ءراسىمى بۇرىنعىداي بولىپ قالا بەرەدى، تەوريالىق جانە تاجىريبەلىك ەكى كەزەڭنەن تۇرادى. كولىك قۇرالىنا جۇرگىزۋشىلىك كۋالىگىن الۋعا ۇمىتكەر 40 مينۋت ىشىندە تەوريالىق ەمتيحان تاپسىرادى جانە 32 سۇراققا دۇرىس جاۋاپ بەرگەن جاعدايدا تاجىريبەلىك ەمتيحان تاپسىرۋعا جىبەرىلەدى.
تاجىريبەلىك ەمتيحاندى تاپسىرۋ كەزىندە ۇمىتكەر 20 مينۋت ىشىندە بەلگىلى ءبىر مارشرۋتپەن ءوزارا بايلانىستى 12 سىناق جاتتىعۋلارىن ورىنداۋعا ءتيىس، بۇل رەتتە ايىپ بالدارى 100 دەن اسپاۋى كەرەك.
اۆتور: رۋسلان عابباسوۆ
