ا ق ش- تاعى قالانىڭ تۇرعىندارىنا كۇركەتاۋىقتار كۇن كورسەتپەي جاتىر
حايۋاناتتاردى باقىلاۋ جونىندەگى مامان ۆينسەنت اسكولەزە كلاكسونداردى تۇرعىندارعا تاراتۋ ءۇشىن قالا شەنەۋنىكتەرىنە تاپسىراتىنىن مالىمدەدى.
«ءبىز حايۋاناتتارمەن بەيبىت ءارى بىرگە ءومىر ءسۇرۋدىڭ امالىن تابا ءبىلۋىمىز كەرەك»، - دەدى ول.
ءوز كەزەگىندە، شتاتتاعى جابايى تابيعاتتى قورعاۋ باسقارماسىنىڭ وكىلى ەمي شۆايتسەر سەيسەنبى كۇنى ادامدارعا شابۋىلداعان شاقار قورازدىڭ ۇستالىپ تورعا قامالعانىن، ال ونسىز باسقا جابايى قۇستار جۇرتتىڭ مازاسىن المايتىنىن باياندادى.
قالاداعى بيلىك وكىلدەرىنىڭ ايتۋىنشا، تۇرعىنداردان جابايى كۇركەتاۋىق شابۋىلدادى دەگەن ون شاقتى شاعىم تۇسكەن. ءبىر تۇرعىن تىپتەن پوليتسياعا ارىزدانعان. قۇستار ادامدارعا ۇمتىلىپ مازاسىن العان جانە جولعا شىعىپ كولىك قوزعالىسىنا كەدەرگى جاساپ وتىر. ءبىر جولى كۇركەتاۋىق اشىق تەرەزەدەن ۇشىپ ۇيگە كىرىپ، ونداعلاردى ابىگەرگە سالعان.
قالا اكىمشىلىگى پروبلەمانى شەشۋ تەك شتات بيلىگىنىڭ قۇزىرەتىندە ەكەندىگىن، قۇستاردى اتىپ- جويۋعا بولمايتىندىعىن ەسكەرتۋدە. ولار «تۇرعىندار تەك قۇستاردى گۋمانيستىك ادىستەرمەن، سۋ شلانگلارىن قولدانىپ نەمەسە زاتتاردى داڭعىرلاتىپ قانا ۇركىتە» الادى دەپ مالىمدەدى.
ەسكە سالا كەتەيىك، اقپان ايىندا كورشىلەس حيللسدەيل قالاسىنىڭ پوشتا قىزمەتكەرىنە قۇقىق قورعاۋشىلاردىڭ كومەككە جۇگىنۋىنە تۋرا كەلدى. ويتكەنى ونىڭ كولىگىن جابايى كۇركەتاۋىقتار قورشاپ الىپ، ايبات شەككەن.
