قىتايدا ءومىر بويىنا باس بوستاندىعىنان ايىرىلۋ جازاسى كەسىلگەن ا. تۇرلىبايدىڭ ءىسى بويىنشا اپپەلياتسيالىق ساتىدا سوت وتىرىسى ءوتتى
«سۋديا اقجارقىننىڭ ىسىندەگى جاڭا اشىلعان ءبىرقاتار ءمان- جايلاردى قارايدى. بويجەتكەننىڭ جاعدايى جاقسى. ول اناسى زۋحرامەن 15 مينۋتقا كەزدەستى. شاعىم جوق، دەنساۋلىعى قالىپتى. ادەتتە كەزدەسۋگە سوت شەشىمىنەن كەيىن عانا رۇقسات بەرەتىن. وسى جولى قىتايلىق تاراپ اناسىنا اقجارقىنمەن اڭگىمەلەسۋگە مۇمكىندىك بەردى»، - دەدى قازاقپاراتقا بەرگەن سۇحباتىندا ق ح ر- داعى ق ر ەلشىلىگىنىڭ كونسۋلدىق ءبولىمىنىڭ باسشىسى ب. سىرلىبايەۆ.
ەسكە سالساق، 20 جاستاعى قازاقستاندىق ستۋدەنت اقجارقىن تۇرلىباي گۋاڭجوۋ اۋەجايىندا 2014 -جىلعى ناۋرىزدا ۇستالعان.
ول قىتايعا ساتۋ ءۇشىن برەندتىك كيىم الۋعا بارعان. ا. تۇرلىبايدىڭ ايتۋىنشا، وعان ەسىرتكىنى كلۋبتا كەزدەيسوق تانىسقان ادامدار سالىپ جىبەرگەن. قازاقستاندىققا ءومىر بويىنا باس بوستاندىعىنان ايىرۋ جازاسى كەسىلدى. تۇرلىبايدى قورعاۋشى تاراپ ۇكىمگە شاعىمداناتىنىن مالىمدەگەن.
