مەملەكەتتىك تۇرعىن ءۇي قورىنان ءۇي بەرۋ جانە پايدالانۋ قاعيدالارىنا وزگەرىس ەنگىزىلدى

استانا. قازاقپارات - ق ر «مەملەكەتتىك تۇرعىن ءۇي قورىنان ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىن بەكىتۋ تۋرالى» قاۋلىسىنا وزگەرىس ەنگىزىلدى.

 قازاقپارات قۇجاتتىڭ ءماتىنىن تاراتادى.

***

 قازاقستان رەسپۋبليكاسى ۇكىمەتىنىڭ قاۋلىسى №163

2016 -جىلعى 31 - ناۋرىز، استانا، ۇكىمەت ءۇيى

«مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 -جىلعى 1 - جەلتوقسانداعى №1420 قاۋلىسىنا وزگەرىس ەنگىزۋ تۋرالى

قازاقستان رەسپۋبليكاسىنىڭ ۇكىمەتى قاۋلى ەتەدى:

1. «مەملەكەتتىك تۇرعىن ءۇي قورىنان ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 - جىلعى 1 - جەلتوقسانداعى №1420 قاۋلىسىنا (قازاقستان رەسپۋبليكاسىنىڭ پ ءۇ ا ج- ى، 2012 ج. №5, 88-قۇجات) مىناداي وزگەرىس ەنگىزىلسىن:

كورسەتىلگەن قاۋلىمەن بەكىتىلگەن مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىندا:

5-3 تارماقتىڭ ءبىرىنشى بولىگى مىناداي رەداكسيادا جازىلسىن:

«5-3. مۇگەدەكتەرگە، قارتتارعا، جۇرەك قان تامىرلارى جانە باسقا دا اسقىنعان اۋرۋلارمەن اۋىراتىن ادامدارعا مەملەكەتتىك تۇرعىن ءۇي قورىنان تۇرعىنجاي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىنجاي - ولاردىڭ تىلەگى ەسكەرىلىپ، تومەنگى قاباتتاردان نەمەسە ليفتىلەرى بار تۇرعىن ۇيلەردەن، ال تىرەك- قيمىل اپپاراتى بۇزىلعان مۇگەدەكتەرگە ەكىنشىدەن جوعارى ەمەس قاباتتان بەرىلەدى».

2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

 قازاقستان رەسپۋبليكاسىنىڭ پرەمەر- ءمينيسترى ك. ءماسىموۆ.