10:25, 07 - ءساۋىر 2016 | GMT +6
ساۋد جىگىتى توي الدىندا قالىڭدىعىن اۋىستىردى
استانا. قازاقپارات - ساۋد ارابياسىندا توي الدىندا قىلىڭدىعى تۇرمىسقا شىعۋدان باس تارتقان سوڭ، تويدىڭ شىرقىن بۇزعىسى كەلمەگەن كۇيەۋ جىگىت وزگە قىزعا ۇيلەنە سالعان.
وقيعانىڭ بۇلاي وربۋىنە سول كۇنى جاڭبىر جاۋعاندىقتان تويعا تانىمال ءانشىنىڭ كەلە المايتىنى سەبەپ بولعان. قالىڭدىقتىڭ اناسى ول ءانشى كەلمەسە، تويعا بارعىسى كەلمەيتىنىن ايتقان. سوندىقتان توي كۇنى كۇيەۋجىگىتكە قىزىن بەرمەيتىنىن ايتقان.
بۇعان قاتتى كۇيىنگەن جىگىتكە ناعاشى اعاسى بولىپ كەلەتىن جاماعايىن اعايىندارى ايەلدىككە ءوز قىزىن الۋدى ۇسىنادى. تويدىڭ شىرقىسىن بۇزعىسى كەلمەگەن، ءارى بانكەت زالىنىڭ جالعا الۋ قۇنىن تولەپ قويعان جىگىت بۇل ۇسىنىسقا كەلىسە كەتەدى.
وسىلايشا قالىڭدىقتىڭ اياق استىنان وزگەرىپ كەتكەنى بولماسا، توي سالتاناتى جوسپارداعىداي وتكەن.
وسى وقيعاعا قاتىستى الەۋمەتتىك جەلى قولدانۋشىلارى العاشقى قالىڭدىقتىڭ اناسىنا رەنىشتەرىن جازىپ جاتىر. ال، كۇتپەگەن جەردەن ەرلى- زايىپتى بولعان جاستارعا باقىت تىلەدى.
Stan.kz
