كەمبريدج ۋنيۆەرسيتەتىندە تۇركى تانۋ عىلىمي ورتالىعى اشىلادى
ءۇش جاقتى كەلىسسوز بارىسىندا «يران- تۇران» جوباسى تالقىلانىپ، اداعى ۋاقىتتا كەمبريدج ۋنيۆەرسيتەتىندە تۇركى تانۋ مەن قازۇۋ- دىڭ عىلىمي ورتالىعىن اشۋ ۇيعارىلدى.
وسىعان وراي، تۇركيادان كەلگەن عالىمدار قازۇۋ مەن كەمبريدج ۋنيۆەرسيتەتتەرىندە تۇركىتانۋعا باعىتتالعان عىلىمي- زەرتتەۋ جۇمىستارىنا قولداۋ كورسەتەتىندىكتەرىن ءبىلدىردى.
«ءابۋ ناسىر ءال-فارابي كەزىندە شىعىس پەن باتىستى جاقىنداستىرعان عۇلاما عالىم بولعان. بۇگىندە بۇل ۇلى ميسسيانى ءال-فارابيدىڭ اتىن ارقالاعان الەمدەگى جالعىز جوعارى وقۋ ورنى جالعاستىرىپ كەلەدى»، - دەدى تۇركيا پرەمەر-ءمينيسترىنىڭ باس كەڭەسشىسى، ب ۇ ۇ وركەنيەتتەر اليانسىنىڭ تۇركياداعى ۇلتتىق ۇيلەستىرۋ كوميتەتىنىڭ ءتوراعاسى بەكىر قارلىعا.
ال كەمبريدج ۋنيۆەرسيتەتىنىڭ ازيا جانە تاياۋ شىعىس فاكۋلتەتىنىڭ دەكانى چارلز مەلۆيلل ۇلىبريتانيادا تۇركى ەلدەرىنىڭ تاريحى مەن مادەنيەتىن زەرتتەۋ وسىدان ەكى عاسىر بۇرىن قولعا الىنعاندىعىن، ءبىراق سوڭعى 15-20 جىلدا توقتاپ قالعاندىعىن ايتتى.
«كەمبريدج ۋنيۆەرسيتەتىندە تۇركىتانۋ ماماندارى تاپشى. تۇركى تانۋدى دامىتۋدى ايتا وتىرىپ، اسىرەسە ءتىلدى مەڭگەرۋدىڭ ماڭىزدىلىعىن اتاپ ءوتۋ كەرەك»، - دەدى ول ءوز سوزىندە.
قاز ۇ ۋ باسپا ءسوز قىزمەتى حابارلاعانىنداي، ءىس- ساپار بارىسىندا شەت ەلدىك قوناقتار قاز ۇ ۋ مۇراجايىن ارالاپ، ۋنيۆەرسيتەتتىڭ جەتكەن جەتىستىكتەرىمەن، تاريحىمەن تانىستى.
«سىزدەردىڭ ۋنيۆەرسيتەتتىڭ زور مۇمكىندىكتەرىن كورىپ، ءبىز قاز ۇ ۋ- عا وسى ايماقتاعى يران تانۋ ورتالىعىن باسقارۋ قۇقىعىن تاپسىرۋدى ۇسىنىپ وتىرمىز»، - دەدى وسىعان وراي يسلام مادەنيەتى مەن بايلانىس ۇيىمىنىڭ ۆيتسە-پرەزيدەنتى ابباس حاميار.
ايتا كەتەلىك، كەمبريدج ۋنيۆەرسيتەتىندە شاحنامە ورتالىعى جۇمىس جاسايدى جانە مۇندا پارسى قولجازبالارىنىڭ بىرەگەي توپتاماسى ساقتالعان.
كەزدەسۋ سوڭىندا ىنتىماقتاستىق جونىندە ءۇش جاقتى حاتتاماعا قول قويىلدى.
اۆتور: ايبوتا جاپپاربەرگەن
