20:26, 06 - ءساۋىر 2016 | GMT +5
بىشكەكتەگى اتىس: ءتارتىپ ساقشىسى جاراقاتتاندى
استانا. قازاقپارات - بىشكەكتە اتىس بولىپ، سالدارىنان ءتارتىپ ساقشىسى جاراقاتتاندى. بۇل تۋرالى كيرتاگ اگەنتتىگىنە يۋنۋساليەۆ كوشەسىندە بولعان اتىسقا قاتىستى تۇسىنىكتەمە بەرگەن بىشكەك ق ى ى ب- نان حابارلادى.
« Mercedes» كولىگىن توقتاتپاق بولعان جەدەل قىزمەتكەردى كولىك جۇرگىزۋشى بىرنەشە مەتر جەرگە سۇيرەتكەن. ودان كەيىن توقتاپ، كولىكتەن پىشاق الىپ شىققان قاسكۇنەم ونىڭ سانىنان جاراقاتتاعان. ءتارتىپ ساقشىسى تابەلدىك قارۋدان اتىپ، قىلمىسكەردىڭ وڭ جاق يىعىنان تيگىزدى. قىلمىسكەر ۇستالدى» ، - دەپ حابارلادى ق ى ى ب- نان.
قازىرگى كەزدە ۇستالعان ەر ادام بىشكەكتەگى اۋرۋحانالاردىڭ بىرىندە جاتىر. ونىڭ تۇلعاسى انىقتالۋدا. ءتارتىپ ساقشىسىنا وقيعا ورنىندا مەديتسينالىق كومەك كورسەتىلدى.
