بالكىم جاراتۋشى اللا ءبىر جاماناتتان ساقتاندىرىپ جاتقان شىعار
تاعى ءبىر جىگىت بالىشتەرگە بارۋ كەزەگى كەلىپ، دالاعا شىققاندا، امان قالعان.
ءبىر ايەل وياتقىشى ىستەمەگەننەن ۇيىقتاپ قالعان.
بىرەۋلەر نيۋ-دجەرسي تاس جولىندا كەپتەلىستە تۇرىپ كەشىككەن.
ءبىر ادام ءجاي عانا اۆتوبۋسقا كەشىگىپتى.
ءبىر ايەل تاڭەرتەڭ ۇستىنە كوفە توگىپ الىپ، قايتىپ كيىنۋگە تۋرا كەلگەن سوڭ جۇمىسقا كەشىككەن.
بىرەۋدىڭ كولىگى وتالماي قالعان.
ءبىر ادام تەلەفون قوڭىراۋىنا جاۋاپ بەرۋ ءۇشىن ۇيگە قايتىپ كىرگەن.
تاعى بىرەۋدىڭ بالاسى جىلاپ، تۇرعىسى كەلمەي، جۇمىستان قالعان.
ال، بىرەۋ تاكسي ۇستاي الماي الەكتەنۋمەن كەشىككەن...
اسا قىزىقتى جايتتىڭ ءبىرى، ءبىر ەر كىسى جاڭا اياق كيىم ساتىپ العان ەكەن. ءتۇرلى كولىككە ءمىنىپ، جاياۋ كوپ ءجۇرىپ، اياعىن جاڭا اياق كيىمى قىسىپ، قاجاعان، جارا بولعاندىقتان، جولاي ءدارىحاناعا پلاستىر الۋ ءۇشىن كىرىپ، امان قالعان.
سوڭعى كەزدەرى كەپتەلىستە تۇرعاندا، ليفتىگە ۇلگەرمەي قالعاندا سابىرلى بولۋعا تىرىسام، تەلەفون شىرىلداپ جاتسا، جاۋاپ بەرىپ شىعام. وسىنداي جۇيكەنى توزدىرار ۇساق- تۇيەك ورىن العان كەزدە ىشىمنەن اللا مەنى ءدال وسى شاقتا ءبىر جاماناتتان ساقتاندىرىپ جاتقان شىعار دەپ ويلايمىن. كەلەسىدە بۇگىن كۇن اۋىر بولدى دەپ ويلاماس بۇرىن ءوزىڭىزدى سابىرعا شاقىرىڭىز. كىلتىڭىز تابىلماي، ءار باعدارشامدا قىزىل جانىپ، ۇزاق تۇرساڭىز، قاپا بولماڭىز، اللا ءسىزدى ءسىز ويلاماعان بالە- جالادان، تابيعات اپاتىنان، ءتۇرلى جاماندىقتان ساقتاپ تۇر دەپ ءبىلىڭىز...
شىنار ءابىلدا
