قازاق تويى كىمدى اسىراپ جاتىر؟
قازاقستاندا اتى شىققان يتالياندىق ءانشى سون پاسكال تويعا ءجيى شىعاتىنىن اشىق اڭگىمەلەدى.
"قازاقستاندا تويدىڭ ورنى ەرەكشە، تويعا ءجيى شىعىپ تۇرام. بۇل - قازاقستاندىق فورمات. ايتپاقشى، يتاليانىڭ وڭتۇستىك وڭىرىندە دە وسىلاي كوڭىل كوتەرگەندى قاتتى ۇناتادى"، - دەدى پاسكال. «تويدان ميلليون تەڭگە تابىس تابام. دوللار ەمەس. بۇل - ورتاشا باعا. شىنىمدى ايتسام، باسقالاردىڭ قۇنىمەن وزىمدىكىن سالىستىرام دا، ارىپتەستەرىمنەن ءسال ارزانداۋ سۇرايمىن. سەبەبى ولار - قازاقستاندىق، مەنى يتاليادان تەك اقشا تابۋ ءۇشىن كەلدى دەپ ويلاماسا ەكەن"، - دەپ اعىنان جارىلدى يتالياندىق ءانشى.
ءارتىستىڭ ايتۋىنشا، "پاسكاليستان" جوباسىنىڭ ەكى ماۋسىمدىق كەزەڭىنەن كەيىن "پەكين- ەكسپرەسس" شوۋىنان سوڭ ونىڭ تابىس كوزى ەداۋىر وسكەن.
"قازاقستان - مۋزىكا جاعىنان مەنىڭ ءبىرىنشى ءۇيىم، مۇندا مۋزىكالىق دەڭگەيىمدى شىڭدادىم. بۇرىن 100-150 ادامعا ءان ايتسام، قازىر 25 مىڭ ادامعا ونەر كورسەتەمىن"، - دەدى پاسكال.
Nur.kz
