عالىمدار: سوزىلمالى ۇيقىسىزدىق مي جۇمىسىنا زيان تيگىزەدى

 استانا. قازاقپارات - زەرتتەۋشىلەر سوزىلمالى ۇيقىسىزدىق ميدىڭ قالىپتى جۇمىسىنا زيانىن تيگىزىپ، اكسوندار - جۇيكە جاسۋشالارىنىڭ جۇمىسىنا اسەر ەتەتىنىن انىقتادى.

زەرتتەۋگە سوزىلمالى ۇيقىسىزدىقتان زارداپ شەككەن 23 ادام جانە دەنى ساۋ 30 ەرىكتى قاتىستى. قاتىسۋشىلاردىڭ بارلىعىنا ماگنيتتى- رەزونانستى توموگرافيا (م ر ت) جاسالدى. زەرتتەۋ ناتيجەلەرى كورسەتكەندەي، ۇيقىسىزدىقتان زارداپ شەككەن ادامداردىڭ ميىنىڭ وڭ جاقتاعى بولىگىندەگى اق سۇيىقتىق اراسىنداعى بايلانىس كەي جەرلەردە، سونداي- اق تالامۋستا (لات. thalamus - كورۋ تومپەگى - ارالىق ميدىڭ ورتالىق بولىگىن الىپ جاتقان قۇرىلىم) ۇزىلگەنى بايقالدى، دەپ جازدى روس بالت.

زەرتتەۋ اۆتورلارى ولاردىڭ جۇمىسىنىڭ ناتيجەسى ماڭىزدى ەكەنىن ايتتى. ويتكەنى تالامۋس اعزاداعى بيولوگيالىق ساعاتتىڭ جۇمىسىنا جاۋاپتى.

 عالىمداردىڭ پايىمىنشا، ميداعى اق زات جۇمىسىنىڭ بۇزىلۋى ميەليندى- جۇيكە تالشىقتارىنىڭ قابىرشاعىن تۇزەتىن زاتتى جوعالتۋ سالدارىنان بولۋى مۇمكىن.