07:17, 06 - ءساۋىر 2016 | GMT +5
شاشتىڭ اعارۋىنا جاۋاپتى گەن تابىلدى
استانا. قازاقپارات - لوندون ۋنيۆەرسيتەتىنىڭ ماماندارى شاشتىڭ اعارۋىنا اكەلەتىن گەندى تاپتى، دەپ جازادى 24.kz.
عالىمدار وڭتۇستىك امەريكانىڭ 6 مىڭنان اسا تۇرعىنىنىڭ د ن ق-سىن زەرتتەپ كوردى. بۇل قۇرلىقتا ءتۇرلى ءناسىلدىڭ وكىلدەرى تۇراتىندىقتان، ولاردىڭ گەنەتيكالىق قۇرىلىمى دا سان الۋان. زەرتتەۋ ناتيجەسىندە شاشتىڭ ءتۇسى، قالىڭدىعى مەن تۇزۋلىگى ءۇشىن جاۋاپتى IRF4 گەنى ەكەنى انىقتالدى.
بۇل گەننىڭ ەكى ءتۇرى بار ەكەن. بىرەۋى بۇكىل الەم تۇرعىندارىندا تارالعان بولسا، ەكىنشى ءتۇرى تەك ەۋروپالىقتارعا ءتان. سول ەكىنشى ءتۇرى شاشتى ەكى ەسە ءجيى اعارتادى دەپ توپشىلاعان عالىمدار «بولاشاقتا بۇل گەندى وشىرۋگە بولادى»، - دەيدى. ءبىراق ول ءۇشىن ءالى تالاي زەرتتەۋ جۇرگىزىپ، ونىڭ پايداسى مەن زيان اسەرلەرىن باعالاۋ قاجەت. ال قاراپايىم حالىق بۇل جاڭالىققا ءارتۇرلى باعا بەرىپ جاتىر.
