امەريكا اسكەريلەرىن قالتا دروندارمەن جابدىقتاماق - فوتو

استانا. قازاقپارات - امەريكانىڭ اسكەريلەرى 2018 -جىلعا قاراي ساربازداردى شاعىن دروندارمەن جابدىقتاۋدى كوزدەپ وتىر.

وسىنداي ۇلكەن ۇشۋ اپپاراتتارى اۋقىمدى احۋالدى باعالاي الادى، دەگەنمەن ونى جابىق عيماراتتاردا پايدالانۋ قيىنعا سوعادى.

Black Hornet اتتى شاعىن دروندى نورۆەگيا مەن ۇلى بريتانيانىڭ ارمياسى قولدانىپ ءجۇر.

امەريكانىڭ اسكەريلەرى شاعىن درونداردى شىعارۋعا كەتەتىن شىعىندى ازايتپاق. ويتكەنى Black Hornet قولمەن جينالاتىندىقتان، ونىڭ باعاسى قىمبات - 18 گرام اپپاراتتىڭ بىرەۋىنىڭ قۇنى 190 مىڭ دوللار تۇرادى.

جاڭادان ازىرلەنەتىن ۇشۋ اپپاراتتارىنا بەلگىلى تالاپتار قويىلادى: سالماعى 150 گرامنان اسپاۋى ءتيىس، اۆتونومدى ۇشۋ ۋاقىتى - 15 مينۋت، قاشىقتىعى - 1,2 مىڭ مەترگە دەيىن بولۋى كەرەك، دەپ جازادى Army Times.

سونىمەن قاتار، شاعىن دروندار قانىقتىلىعى مەن دالدىگى جوعارى ۆيدەوكامەرالارمەن جابدىقتالۋى ءتيىس.