08:19, 05 - ءساۋىر 2016 | GMT +5
ۇشاقتىڭ قۇيرىعى مەن قاناتى جۇلىنىپ ءتۇستى - كەسكىن
استانا. قازاقپارات - يندونەزيا استاناسى دجاكارتادا Boeing-737 ۇشاعىنىڭ قاناتى مەن ارتقى بولىگى جۇلىنىپ ءتۇستى.
جەردەن كوتەرىلە بەرگەن كەزدە ATR 42 ۇشاعىمەن سوقتىسقان لاينەر ايتارلىقتاي زاقىمدانعان. بۇل تۋرالى جەرگىلىكتى ب ا ق جارىسا جازۋدا.
اۋە كەمەسى دجاكارتادان وسى ەلدىڭ ماكاسار قالاسىنا ۇشۋى ءتيىس ەدى. ال بۇدان ءسال كىشىرەك ATR 42 ۇشاعىنا نە بولعانى جانە قايدا بارۋى كەرەك بولعاندىعى جايلى اقپارات جوق، دەپ جازادى 24.kz.
وقيعا ورنىندا توتەنشە جاعداي قىزمەتكەرلەرى جۇمىس ىستەۋدە. قازىرگى ۋاقىتتا اۋەجاي ۋاقىتشا جابىق تۇر.
