13:57, 04 - ءساۋىر 2016 | GMT +6
قازاقستان فۋتبولدان الەم چەمپيوناتىن وتكىزۋى مۇمكىن
استانا. قازاقپارات - ف ي ف ا پرەزيدەنتى دجانني ينفانتينو ۋرۋگۆايعا بارعان ءىس-ساپارىندا 2026-جىلعى الەم چەمپيوناتىن وتكىزۋگە ءوتىنىش بەرگەن مەملەكەتتەر تۋرالى ايتتى دەپ جازادى Baq.kz.
ف ي ف ا- نىڭ جاڭا تاعايىندالعان پرەزيدەنتى 2030-جىلعى الەم بىرىنشىلىگىن ۋرۋگۆاي جانە ارگەنتينادا وتكىزۋدى ۇسىندى. بۇل يدەيانى ەل پرەزيدەنتى تابارە باسكەس تە قولدادى. ويتكەنى بۇل ەكى ەلدىڭ فۋتبولشىلارى وسىدان 100 جىل بۇرىن العاش رەت ۇيىمداستىرىلعان مۋنديالدىڭ فينالىندا كەزدەسكەن.
«الايدا ءبىز ءبىرىنشى كەزەكتە 2026-جىلعى الەم چەمپيوناتىن ويلاۋىمىز قاجەت. بۇل چەمپيوناتتى وتكىزۋگە كانادا، مەكسيكا، كولۋمبيا، ماروككو، ا ق ش، انگليا، قازاقستان، سونداي-اق اۋستراليا مەن جاڭا زەلانديا جانە تۇركيا مەن ءازىربايجان بىرلەسىپ وتكىزۋگە ۇسىنىس جاسادى. ءبىراق ولاردىڭ ىشىندە بارلىعى بىردەي رەسمي ەمەس»، - دەيدى ينفانتينو.
