عالىمدار بالانىڭ سەمىزدىككە شالدىعۋىن قۇرساقتا جاتقانىندا انىقتاۋدىڭ جولىن تاپتى
عالىمداردىڭ زەرتتەۋى 2016-جىلدىڭ 1- ءساۋىرى كۇنى ا ق ش ەندوكرينولوگيالىق ۇيىمىنىڭ كەڭەسىندە تانىستىرىلدى.
اۆتورلار ءوز جۇمىستارىندا ەكى مەن التى جاس ارالىعىنداعى تولىق (480 ادام) جانە ارىق (783 ادام) بالالاردى زەرتتەدى. زەرتتەۋ كەزىندە سەمىزدىككە شالدىققان بالالاردىڭ قۇرساقتا جاتقان التىنشى ايىنان باستاپ بۇعان بەيىم بولا باستاعانى انىقتالدى.
بۇرىن عالىمدار دەنە سالماعىنىڭ يندەكسىن ەكى جاسقا دەيىن ەسەپتەمەۋگە كەڭەس بەرەتىن ەدى. ەندى ولار قۇرساقتاعى سابيگە التى اي تولعاننان باستاپ ولشەۋگە كەڭەس بەرىپ وتىر. وسىلايشا، عالىمدار سەمىزدىككە شالدىعۋدى ادام دامۋىنىڭ ەرتە كەزەڭىنەن باستاپ باقىلاۋعا الۋدى جوسپارعا الدى.
ەرەسەك ادامداردىڭ دەنە سالماعىنىڭ يندەكسى بويى مەن ونىڭ دەنە سالماعىنىڭ سايكەس كەلۋى بويىنشا ولشەنەدى. مىسالى، دەنە سالماعى 67 كەلى، بويى 1,7 مەتر بولسا يندەكس 23 كە تەڭ.
بالالاردىڭ دا د س ي- ءى وسىلايشا ولشەنەدى، ءبىراق جاسىنا قاراي دامۋ ەرەكشەلىكتەرى ەسكەرىلىپ، ول ارنايى پروتسەنتيل دياگراممالاردىڭ كومەگىمەن تىركەلەدى. يندەكس 85-90 پروتسەنتيلدەن جوعارى بولسا سەمىزدىككە شالدىققان بولىپ ەسەپتەلەدى.
