12:16, 03 - ءساۋىر 2016 | GMT +5
دوپينگتى جاپپاي تاعايىنداعان بريتاندىق دارىگەر ايىپتالۋدا
استانا. قازاقپارات - بريتاندىق Sunday Times گازەتى سپورتتىق كورسەتكىشتەردى ارتتىرۋعا كومەكتەسەتىن پرەپاراتتاردى قوماقتى اقشاعا ونداعان اتلەتتەرگە تاعايىنداعان بريتاندىق دارىگەر مارك بوناردىڭ تەرگەۋىن جاريالادى، دەپ حابارلادى BBC.
بۇل سپورتشىلاردىڭ ىشىندە اعىلشىن فۋتبولىنىڭ جوعارى ديۆيزيونىنىڭ ويىنشىلارى، بەلگىلى تەننيسشىلەر، ۆەلوشاباندوزدار جانە كريكەت بويىنشا اعىلشىن قۇراماسىنىڭ ءبىر ويىنشىسى بار. بۇل پرەپاراتتارعا سپورتشىلار مىڭ فۋنت ستەرلينگ جۇمساعان.
گازەت جاسىرىن كامەراعا بونار ستەرويد، ەريتروپوەتين جانە ءوسۋ گورماندارى بار پرەپاراتتاردى 150 گە جۋىق كاسىبي سپورتشىلارعا تاعايىنداعانىن ايتىپ جاتقان جازبانى ۇسىندى.
الايدا بونار اتلەتتەرگە دوپينگ تاعايىنداعانى تۋرالى تاعىلعان ايىپپەن كەلىسپەيدى. ونىڭ ايتۋىنشا، ول ءدارىنى سپورتتىق جەتىستىكتەردى جاقسارتۋ ءۇشىن ەمەس، سپورتشىلاردى اۋرۋلارىنان ەمدەپ، دەنساۋلىقتارىن قولداۋ ءۇشىن جازىپ بەرگەن.
بريتانيا بيلىگى بريتاندىق دوپينگكە قارسى اگەنتتىك بۇل جاعدايعا قانداي ارەكەت قولدانعانىنا تەرگەۋ جۇرگىزۋدى تاپسىردى.
