ۆيتسە- پرەمەر قازاقستاندا ستۋدەنتتىك ءتۋريزمدى دامىتۋدى تاپسىردى
«ستۋدەنتتىك ءتۋريزمدى دامىتۋ - وتە جاقسى يدەيا. بىرلەسە وتىرىپ، تۋريستىك مارشرۋتتاردى انىقتاۋعا بولادى. ينفراقۇرىلىمعا بۇگىندە كوڭىل تولمايدى. بىزدە ءالى تۇركيا، دۋباي نەمەسە باتىس ەۋروپا ەلدەرىندەگىدەي ەمەس»، - دەدى ول بۇگىن استاناداعى ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنە جاساعان ساپارى كەزىندە.
ۆيتسە- پرەمەر تۋريستىك سالانىڭ الدىندا ءبىرقاتار ماقسات- مىندەتتەر تۇرعاندىعىن تاعى ءبىر ەسكە سالىپ ءوتتى. ونىڭ باستىسى - ىشكى ءتۋريزمنىڭ ۇلەسىن ارتتىرىپ، جاقىن مەملەكەتتەردەن تۋريستەردى كوپتەپ تارتۋ بولىپ تابىلادى. د. نازاربايەۆانىڭ ايتۋىنشا، تۋريستىك ينفراقۇرىلىمدى الەۋەتى جوعارى جەرلەردە دامىتۋ قاجەت.
«ونى جاساندى تۇردە سالىپ، كەيىن ول ينفراقۇرىلىمدار بوس قالىپ جاتسا - بوس اۋرەشىلىك بولادى. مەملەكەت ءتۋريزمنىڭ الەۋەتى جوعارى اۋداندارعا عانا جول جانە قاجەتتى كوممۋنيكاتسيا قۇرىلىسىنا جاۋاپتى»، - د. نازاربايەۆا.
