داريعا نازاربايەۆا اراب، قىتاي تىلدەرىن مەڭگەرگىسى كەلىپ ءجۇر
بۇل تۋرالى «قازاقستان جاڭالىقتارى» حابارلايدى.
«مەنىڭ تىلگە دەگەن قۇشتارلىعىم تۋرالى بىلەسىزدەر، ءتىل ءبىلۋ ارقىلى مىنسىزدىككە قول جەتكىزەسىڭ. قاي جەرگە بارساڭ دا، سەن وزگە ءتىلدى ەستىپ، بۇل ءوزىڭدى دە، ءوزىڭدى قورشاعان ورتانى دا باسقا سەزىمگە بولەيتىنىن تۇسىنەسىڭ. مەن انا تىلىمنەن بولەك، ورىس، اعىلشىن، يتاليان تىلدەرىن بىلەمىن. ءبىر كەزدەرى نەمىس ءتىلىن ۇيرەنگەنمىن، ونى دا بەلگىلى ءبىر دارەجەدە بىلەمىن. اتالعان تىلدە بارلىعىن تۇسىنەمىن، نەمىسشە فيلمدەر كورە الامىن، بار بولعانى پراكتيكا جەتىسپەيدى. بۇدان وزگە فرانسۋز ءتىلىن ۇيرەنىپ ءجۇرمىن»، - دەيدى داريعا نازاربايەۆا.
پرەمەر- ءمينيستردىڭ ورىنباسارى، مۇنىمەن قاتار، قىتاي، اراب تىلدەرىن مەڭگەرگىسى كەلىپ جۇرگەنىن ايتتى. جاس كۇنىندە اتا-اناسى دا ۋاقىتىن بوسقا قۇرتپاۋعا كەڭەس بەرگەن ەكەن. بۇل تۋرالى «مەن ءدال قازىر ولاردى جاقسى تۇسىنەمىن، ويتكەنى ادەتتەگىدەي ولاردىكى راس. راسىمەن دە، قازىر كوپ نارسە ۇيرەنگىم كەلەدى، ءبىراق ۋاقىتىم جەتپەيدى»، - دەيدى.
ەستەرىڭىزگە سالا كەتسەك، داريعا نازاربايەۆانىڭ وقۋ ماۋسىمىن شىلدەگە دەيىن سوزۋدى ۇسىنعانى تۋرالى حابارلاعان بولاتىنبىز.
Stan.kz
