ەگەر ەۋرو وداق، ەۋروازيالىق ەكونوميكالىق وداق جانە شاڭحاي ىنتىماقتاستىق ۇيىمى ەركىن ساۋدانى اشاتىن بولسا، بۇل ەۋرازياعا وراسان پايدا اكەلەدى - ق ر پرەزيدەنتى
مەملەكەت باسشىسى بريفينگ بارىسىندا ءوزىنىڭ بريۋسسەلگە تاياۋداعى ساپارى كەزىندە قازاقستان پارلامەنتى ەۋروپالىق وداقپەن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمدى راتيفيكاتسيالاعانىن اتاپ ءوتتى.
- قۇجاتتىڭ كەيبىر ەرەجەلەرى ءبىرىنشى مامىردان باستاپ كۇشىنە ەنەدى، ءبىراق ول تولىق كۇشىنە ەنۋى ءۇشىن ەۋرو وداققا مۇشە بارلىق 28 مەملەكەت راتيفيكاتسيالاۋى قاجەت. وسى جونىندە ۋاعدالاستىققا قول جەتكىزىلدى، - دەدى نۇرسۇلتان نازاربايەۆ.
ەۋروپالىق كەڭەس پەن ەۋروپالىق كوميسسيا باسشىلارىمەن بولعان كەلىسسوزدەردىڭ نەگىزگى تارماقتارى اراسىنان قازاقستان پرەزيدەنتى ءبىرقاتار قازاقستاندىق اۆياكومپانيالاردىڭ ەۋروپاعا ۇشۋىنا سالىنعان تىيىمدى جويىپ، قازاقستان ازاماتتارى ءۇشىن ۆيزا رەجىمىن جەڭىلدەتۋ ماسەلەلەرىن ارنايى اتادى.
نۇرسۇلتان نازاربايەۆ ۆاشينگتوندا ءوتىپ جاتقان ءسامميتتىڭ نەگىزگى تاقىرىپتارىنا دا توقتالدى.
مەملەكەت باسشىسى تەرروريزمگە قارسى ءىس- قيمىلدىڭ جانە يادرولىق زاريادتىڭ ەكسترەميستەر قولىنا تۇسۋىنە جول بەرمەۋدىڭ ماڭىزدىلىعىن ايتتى.
- بۇل ءۇشىن بۇكىل حالىقارالىق قوعامداستىقتىڭ بىرلەسكەن ناقتى جۇمىسى قاجەت. مەن تەررورلىق ۇيىمدارعا قاتىسى بار اركىمدى باقىلاۋعا الۋعا بولاتىن ءبىرىڭعاي الەمدىك جەلى قۇرۋ قاجەت دەپ سانايمىن، - دەدى نۇرسۇلتان نازاربايەۆ.
قازاقستان پرەزيدەنتى بۇگىندە اتوم ەنەرگياسىن پايدالاناتىن نىسانداردىڭ قاۋىپسىزدىگىن قامتاماسىز ەتۋ ماڭىزدى ەكەنىنە نازار اۋداردى.
سونىمەن قاتار نۇرسۇلتان نازاربايەۆ سامميت اياسىندا دەلەگاتسيا باسشىلارىمەن وتكەن كەزدەسۋلەر تۋرالى ايتىپ بەردى.
- مەن جاپونيا پرەمەر- ءمينيسترى سيندزو ابەمەن كەزدەسۋ وتكىزدىم. ءبىز كۇزدە، مەنىڭ توكيوعا ساپارىم كەزىندە ىنتىماقتاستىعىمىزدى ەكونوميكانىڭ ءتۇرلى سەكتورىندا دامىتۋدىڭ ارناۋلى جوسپارى قابىلدانادى دەپ ۋاعدالاستىق. جاپونيا - قازاقستاننىڭ كوپتەگەن باعىت بويىنشا سەرىكتەسى. بۇل ەل بىزگە سەمەي پوليگونىنداعى سىناق قۇرباندارىن ساۋىقتىرۋ جونىندە زور كومەك كورسەتتى. سونداي- اق ا ق ش باسشىلىعىمەن، سونىڭ ىشىندە مەملەكەتتىك حاتشى د. كەرريمەن، ۋكراينا مەن مەكسيكا كوشباسشىلارىمەن كەزدەسۋلەر ءوتتى، - دەدى مەملەكەت باسشىسى.
ب ا ق وكىلدەرىنىڭ ساۋالدارىنا جاۋاپ بەرە وتىرىپ، نۇرسۇلتان نازاربايەۆ ەۋروپالىق كەڭەس جانە ەۋروپالىق كوميسسيا باسشىلارىمەن ە و مەن ە ا ە ك ءوزارا ىقپالداستىعىنىڭ بۇدان ارعى پەرسپەكتيۆالارىن تالقىلاعاندارىن ايتىپ بەردى
- بۇل - كۇردەلى ماسەلە. ەۋرازيالىق ەكونوميكالىق وداقتى باتىستا كوبى ءارقالاي قابىلدايدى. بىرەۋلەر ونى «ك س ر و- نى قايتا قالپىنا كەلتىرۋ» جونىندەگى جوبا دەپ سانايدى. سوندىقتان مەن ساياساتكەرلەر جانە ساراپشىلار بۇل ماسەلەگە قاتىستى ءىستىڭ ءمان- جايىن ايقىنداپ، ءبىز ەش قيىندىقسىز ءوزارا ساۋدانى جۇزەگە اسىرا الۋىمىز ءۇشىن ەكى بىرلەستىكتىڭ بىرلەسكەن كونفەرەنسياسىن وتكىزۋدى ۇسىندىم. ال وعان بۇگىندە ءبىرقاتار وبەكتيۆتى كەدەرگىلەر بار، ماسەلەن، باتىستىڭ رەسەيگە قاتىستى سانكسيالارى. الايدا، كەلەشەكتە ەگەر ە و، ە ا ە و جانە ش ى ۇ ەركىن ساۋداعا جول اشسا، بۇل بۇكىل ەۋرازيا ءۇشىن وراسان پايدا اكەلەدى، - قازاقستان پرەزيدەنتى.
سونىمەن قاتار، بريفينگ بارىسىندا ءبىزدىڭ ەلدىڭ يادرولىق قاۋىپسىزدىك جونىندەگى ءتورت سامميتكە قاتىسۋىنىڭ قورىتىندىسى جاسالدى.
- ا ق ش پرەزيدەنتىنىڭ باستاماسىمەن وتكىزىلگەن سامميتتەر ەلەۋلى پايداسىن تيگىزدى. بۇگىندە بۇكىل الەم بويىنشا پلانەتانى تۇتاسىمەن الدەنەشە رەت جويۋعا جەتكىلىكتى وتە كوپ يادرولىق قارۋ بار. سوندىقتان قارۋسىزدانۋ ماسەلەسى ءبىزدىڭ جانە ۇرپاعىمىزدىڭ بولاشاعىن ايقىندايدى، - دەدى مەملەكەت باسشىسى.
قازاقستان پرەزيدەنتى جىل سايىن ءسامميتتىڭ ارقاسىندا 50 دەن استام مەملەكەتتىڭ باسشىلارى مەن وكىلدەرى يادرولىق قاۋىپسىزدىكتىڭ مەيلىنشە وزەكتى ماسەلەلەرىن شەشۋ ءۇشىن باس قوساتىنىن دا ايتىپ ءوتتى.
- مۇنداي كەلىسسوزدەر قورىتىندىسى بويىنشا بۇۇ اياسىندا شەشىمدەر قابىلدانادى. ءاربىر مەملەكەتتىڭ بۇل باعىتتا قابىلدانىپ جاتقان شارالار جونىندە ايتۋعا مۇمكىندىگى بار. ماسەلەن، اتوم ەنەرگياسىمەن جۇمىس ىستەيتىن نىساندار قاۋىپسىزدىگىن قامتاماسىز ەتۋ، يادرولىق ماتەريالداردىڭ تەررورشىلار قولىنا تۇسۋىنە جول بەرمەۋ شارالارى جونىندە ايتا الادى. ءبىزدىڭ ەل پوليگوندى جاۋىپ، اسا ءىرى يادرولىق ارسەنالدان باس تارتقانىن ەسكەرسەك، وسىنداي كەلەسى كەزدەسۋ قازاقستاندا ءوتۋى مۇمكىن، - دەدى نۇرسۇلتان نازاربايەۆ.
