ساقتىق شارالارىنسىز ءتورتىنشى قاباتتىڭ تەرەزەسىن سۇرتكەن كەلىنشەك جۇرتتى شوشىتتى - كەسكىن

استانا. قازاقپارات - كوپ قاباتتى ۇيلەردىڭ بىرىندە، ءتورتىنشى قاباتتىڭ تەرەزەسىن جۋىپ تۇرعان ايەلدىڭ ارەكەتتى جۇرتتى شوشىتتى.

كەلىنشەك تەرەزەنىڭ سىرت جاعىنا شىعىپ الىپ، ءبىر قولىن جاقتاۋعا تىرەپ، ەكىنشىسىمەن اينەكتى ءسۇرتىپ جاتادى. جەلى قولدانۋشىلارى مۇنى اقتاۋدا بولعان دەپ بولجاۋدا.

ايەلدىڭ باتىلدىعىنا تاڭقالعان تۇرعىندار جاعدايدى ۆيدەوعا ءتۇسىرىپ الىپ، instavideo_kaz پاراقشاسى ارقىلى تاراتقان.

بەينەجازباعا بايلانىستى 19 مىڭعا جۋىق ۇناتۋ بەلگىسى مەن 2 مىڭ شاماسىندا پىكىر جازىلعان. تالقىدا كوپشىلىك «كەلىنشەكتىڭ اياعى تايىپ كەتسە بولعانى، قۇلاپ كەتۋ قاۋپى زور» دەگەن پىكىردى ءجيى قالدىرعان.