پەنتاگون حاكەرلەردەن وزىنە شابۋىل جاساۋىن سۇراپ وتىر
دەپ حابارلايدى بي- بي- سي.
پەنتاگوننىڭ رەسمي وكىلى پيتەر كۋكتىڭ حابارلاۋىنشا، ا ق ش قورعانىس مينيسترلىگىنىڭ باستاماسىمەن قۇرىلعان باعدارلامانىڭ ماقساتى - حاكەرلەردى ونىڭ كومپيۋتەرلىك جەلىلەرى قورعانىسىنىڭ وسال تۇستارىن انىقتاۋعا تارتۋ.
باعدارلامانىڭ قاتىسۋشىلارى 18 - ساۋىردە جۇمىسقا كىرىسەدى. ولار 12 - مامىرعا دەيىن پەنتاگوننىڭ كومپيۋتەرلىك جەلىلەرىنىڭ ءالسىز تۇستارىن ىزدەيدى. باعدارلاماعا تەك لاڭكەستىك جانە باسقا قىلمىستار بويىنشا كۇدىكتى ەمەس ا ق ش ازاماتتارى عانا قاتىسا الادى.
ۆەدومستۆودا اتاپ وتىلگەندەي، حاكەرلەر پەنتاگون ءۇشىن ەرەكشە ماڭىزدى كومپيۋتەرلىك جۇيەلەرمەن جۇمىس ىستەمەيدى.
وتكەن جىلى ۆەدومستۆونىڭ كومپيۋتەرلىك جەلىلەرىن حاكەرلەر تالاي رەت بۇزىپ اشقان. وسىلايشا، وتكەن جىلدىڭ ساۋىرىندە ا ق ش- تىڭ قورعانىس ءمينيسترى ەشتون كارتەر رەسەيلىك قاسكۇنەمدەردىڭ ونىڭ ۆەدومستۆوسىنىڭ قۇپيالانباعان جەلىسىنە كىرىپ كەتكەنىن حابارلادى.
2015 - جىلدىڭ 5 - ماۋسىمىندا ا ق ش- تىڭ فەدەرالدىق ۆەدومستۆولارى كيبەرشابۋىلعا ۇشىراعانى بەلگىلى بولدى: حاكەرلەر بىرنەشە ميلليونداعان مەملەكەتتىك قىزمەتكەردىڭ دەربەس مالىمەتتەرىنە قول جەتكىزدى.
