ەۋرو وداق سولتۇستىك كورەياعا قارسى سانكسيالارىن كەڭەيتتى
بۇل تۋرالى ەۋروپالىق وداق تاراتقان كومميۋنيكەدە ايتىلادى.
«2016 -جىلدىڭ 31 - ناۋرىزىندا ە و ب ۇ ۇ قاۋىپسىزدىك كەڭەسىنىڭ 2016 -جىلدىڭ 2 - ناۋرىزىندا قابىلداعان №2270 قارارىنا سايكەس ك ح د ر- عا قارسى شەكتەۋ شارالارىن كەڭەيتتى»، - دەلىنگەن ە و كەڭەسىنىڭ حابارلاماسىندا.
سانكسيا سولتۇستىك كورەيا قارۋلى كۇشتەرىنىڭ جاۋىنگەرلىك مۇمكىندىكتەرىن دامىتۋعا ۇلەس قوسا الاتىن كەز كەلگەن زاتتاردىڭ (ازىق- تۇلىك پەن ءدارى- دارمەكتەن باسقا) ەكسپورتى مەن يمپورتىنا تىيىم سالۋدى قاراستىرىپ وتىر.
قۇجات ە و- عا مۇشە ەلدەردى ك ح د ر- عا جەتكىزىلەتىن بارلىق جۇكتەردە تىيىم سالىنعان تاۋارلار مەن تەحنولوگيالاردىڭ بولماۋىن تەكسەرۋگە، سونداي- اق تەڭىز جانە اۋە كەمەلەرىنىڭ جۇكتەرىنە تىيىم سالۋعا، ولاردى تىركەمەۋگە مىندەتتەيدى.
كەڭەيتىلگەن سانكسيالار سونداي- اق قوسىمشا قارجىلىق امالداردى شامالاپ وتىر، وعان ۇكىمەتتىك ۇيىمداردىڭ ك ح د ر- نىڭ اسكەري باعدارلامالارى جانە ب ۇ ۇ- نىڭ قاۋىپسىزدىك كەڭەسىنىڭ قارارلارى تىيىم سالعان باسقا قىزمەت تۇرلەرىمەن بايلانىستى اكتيۆتەرىن توقتاتۋ، سونداي- اق ك ح د ر- نىڭ قارجىلىق مەكەمەلەرىمەن ىنتىماقتاسىپ وتىرعان ۇكىمەتتەر مەن بانكتەردىڭ ەنشىلەس فيليالدارىن جابۋ كىرەدى.
ەسكە سالا كەتەيىك، ب ۇ ۇ قاۋىپسىزدىك كەڭەسى پحەنياننىڭ اعىمداعى جىلدىڭ قاڭتار- اقپان ايلارىندا وتكىزگەن زىمىراندىق- يادرولىق سىناقتارىنا جاۋاپ رەتىندە سولتۇستىك كورەياعا قارسى سانكسيالارىن كۇشەيتتى.
