ساۋد ارابياسىندا ءبىر ميلليون دوللار تۇراتىن قالامساپ ساۋداعا قويىلادى
دەپ حابارلايدى Luxurylaunches.
اڭگىمە Ultimate Centennial Dragon قالامسابى تۋرالى بولىپ وتىر. ونى جاساپ شىعارۋ ءۇشىن 300 گرام التىن قاجەت بولدى، جازۋشى قۇرال گاۋھار تاستارمەن، سونداي- اق لاعىل جانە مەرۋەرت تاستارمەن بەزەندىرىلگەن. قالامساپ قۋاتتىلىق پەن گۇلدەنۋدىڭ سيمۆولى بولىپ تابىلاتىن قىتايلىق ايداھار مۇسىنشەسىمەن بەزەندىرىلدى.
باسىلىمنىڭ اتاپ وتۋىنشە، ەگەر كورمەدە قالامساپتى ساتىپ الاتىن ادام بولماسا، ول نيۋ- دەليدەگى The Luxury Festival اياسىنداعى ساۋداعا شىعارىلادى.
Centennial Dragon جەلىسى 2012 - جىلى قۇرىلعان، ونىڭ شىعارىلۋى كومپانيانىڭ 100 جىلدىعىنا ورايلاستىرىلدى. تيراجى 100 دانانى قۇرادى، سونىڭ ىشىندە 33 قىزعىلت التىن، 33 سارى، تاعى 33 داناسى اق التىننان جاسالعان. ءجۇزىنشى داناسى ەكسكليۋزيۆتى بولىپ، Ultimate Centennial Dragon اتاۋىنا يە بولدى.
