قىتاي بيلىگى ەكى قازاقستاندىقتى جازاسىن ەلىندە وتەۋى ءۇشىن ق ر- عا قايتاردى

 بەيجىڭ. قازاقپارات - بۇگىن قىتاي بيلىگى قازاقستاننىڭ قۇقىق قورعاۋ ورگاندارىنىڭ وكىلدەرىنە ەسىرتكى كونترابانداسى ءۇشىن ءومىر بويى باس بوستاندىعىنان ايىرىلعان جانە قىتاي اۋماعىندا بىرنەشە جىلدان بەرى جازاسىن وتەپ جاتقان ەكى ق ر ازاماتشاسىن قايتاردى.

 جەرگىلىكتى ۋاقىت بويىنشا ساعات 05:50-دە (استانا ۋاقىتى بويىنشا 03:50) ولار جازاسىن ەلدە وتەۋ ءۇشىن بەيجىڭنەن ۇشىپ شىقتى.

 تۇتقىنداردى تاپسىرۋ 2011 -جىلعى 22 - قاڭتاردا جاسالىپ، 2015 - جىلى قىركۇيەكتە كۇشىنە مىنگەن «قازاقستان رەسپۋبليكاسى مەن قازاقستان حالىق رەسپۋبليكاسى اراسىنداعى سوتتالعان تۇلعالاردى تاپسىرۋ تۋرالى كەلىسىم» اياسىندا جۇزەگە اسىرىلدى.

 ەسكە سالا كەتەيىك، 2015 - جىلعى تامىزدان باستاپ ق ر س ءى م، ق ر باس پروكۋراتۋراسى جانە ق ح ر- داعى ق ر ەلشىلىگىنىڭ قىتايلىق ارىپتەستەرىمەن ۇزاق جىلدار بويى بىرلەسىپ جاساعان جۇمىستارىنىڭ ناتيجەسىندە قىتايدا جازاسىن وتەپ جاتقان 9 قازاقستاندىق ەلگە قايتارىلعان بولاتىن (5 ادام 2015 -جىلى 28 - تامىزدا جانە 4 ادام - 2016 -جىلى 4 - ناۋرىزدا).

 قازاقستاننىڭ قۇزىرەتتى ورگاندارى ق ح ر- داعى ق ر ەلشىلىگىنىڭ جاردەمىمەن الداعى ۋاقىتتا قىتايدا جازاسىن وتەپ جاتقان قالعان قازاقستاندىقتاردى قايتارۋ باعىتىنداعى جۇمىستاردى جالعاستىرۋدا.