پرەزيدەنت اتامبايەۆتىڭ كەنجە قىزى تەگىن اۋىستىراتىن بولدى
ەسكە سالايىق، وسىعان دەيىن سۋرەتشىنىڭ كارتينالاردىڭ ساتىلىمىنان تۇسكەن قاراجاتتى داۋن سيندرومىمەن اۋىراتىن بالالارعا كومەك كورسەتۋ قورىنا اۋدارعانى حابارلانعان ەدى. قورعا باس- اياعى ءۇش مىڭ دوللاردان اسا قاراجات اۋدارىلىپتى. بۇل قاراجاتتى شاعيەۆا ءوز سۋرەتتەرىنىڭ بىشكەكتەگى كورمەسىندە تاپقان.
شاعيەۆانىڭ ايتۋىنشا، ب ا ق- تاردا وسى جاڭالىق شىققاننان كەيىن وعان قاراتا ءوزىن-ءوزى جارنامالادى دەگەن سىن مەن ايىپتاۋلار قاپتاعان. «مەن بىردە-ءبىر اقپارات اگەنتتىكتەرىنەن مەنەن سۇحبات السىن دەپ سۇراعان جوقپىن، وزدەرى ءبىرىنشى بولىپ جازدى، ال سۇحبات كەزىندە شىن تەگىمدى اتاعان جوقپىن، وزدەرىڭىز دە وعان كوز جەتكىزە الاسىزدار»، - دەپ جازدى قىز. ونىڭ ايتۋىنشا، ول ءومىر بويىندا شەشەسىنىڭ تەگىمەن اتالىپتى، ال قازىر ول كۋالىگىندە دە وزگەرىس جاساماقشى ەكەن، سەبەبى ول تۋىستىق بايلانىستار ارقىلى ەمەس، سۋرەتشى رەتىندە تانىلعىسى كەلەدى ەكەن.
«جالپى ايتقاندا ويلانا بەرمەيتىن ازاماتتارىمىزدىڭ كەيبىر پىكىرى قاتتى ءتيدى، ءبىراق، بىلەسىز بە، ايتىلعان العىستاردان كەيىنگى سەزىمدى ايتىپ جەتكىزۋ مۇمكىن ەمەس! ءبىر تۇسىنگەنىم، مۇنىڭ بارلىعى تەگىننەن ەمەس. ال مەنى جارنامالانعىسى كەلەدى دەپ سىلەكەيى شۇبىرىپ، ايعايلايتىن ادامدار ماعان جارنامانىڭ ءجۇز ەسەسىن جاساپ جاتىر. جارايسىڭدار، دوستار، شابىڭدار! سىزدەر دە مەنى كۇشتى ەتە تۇسەسىزدەر. ءالسىز سىمباتىم مەن زور دەۋگە كەلمەيتىن داۋسىمنىڭ ارعى جاعىندا ومىرلىك كوزقاراسى قالىپتاسقان ادام تۇر»، - دەدى ول.
