قاتەرلى ىسىككە شالدىققان ميلليونەر بار بايلىعىن كەدەيلەرگە تاراتىپ جاتىر

استانا. قازاقپارات - الي بانات ەسىمدى ميلليونەر ءوزىنىڭ قاتەرلى ىسىك اۋرۋىنىڭ سوڭعى كەزەڭىندە ەكەنىن ەستىگەننەن كەيىن بار جيعان-تەرگەنىن قايىرىمدىلىق شاراسىنا جۇمساۋدى ءجون ساناپتى.

بۇل تۋرالى muslim.kz حابارلايدى.

Ferrari Spider جانە كوپتەگەن قىمبات كولىكتەر مەن ءزاۋلىم سارايلاردىڭ قوجايىنى ءوزىنىڭ جەتى اي كولەمىندە عانا ءومىر سۇرەتىنىن بىلگەننەن باستاپ كۇرت وزگەرگەن.

ول افريكادا 200 جەسىر ايەل مەن 600 جەتىم بالاعا ارنالعان اۋىل سالاتىن بولىپ شەشكەن. ولارعا ارنالعان باسپانادان بولەك اۋىلدا دۇكەندەر مەن اۋرۋحانا، جۇمىسپەن قامتۋ ورتالىعى دا بوي كوتەرەتىن بولادى.

«اللا ماعان اۋرۋ جىبەرىپ سىناۋدا. جاقىندا مەن تەك ءوزىمنىڭ جالعىز قالاتىنىمدى بىلەمىن. ماعان ىزگى امالدارىمنان باسقا ەشتەڭە كومەكتەسپەيتىنىن دە بىلەمىن»، - دەيدى ول.