ءتىستى قالاي اعارتۋعا بولادى؟

استانا. قازاقپارات - «تىستەرى مارجانداي» دەگەن ءسوز تىركەسىن ءبارىمىز بىلەمىز.

ءبىراق، ءبارىمىز سوعان سايكەس كەلمەيمىز. تەمەكى، كوفە، شاي - بۇلاردىڭ بارلىعى ءتىستى سارعايتاتىن فاكتورلاردىڭ ءبىر بولىگى عانا دەپ جازادى comode.kz.

كۇندەلىكتى جەيتىن تاعامنىڭ دا ىشىندەگى قوسپالار ءتىستىڭ سارعايۋىنا اكەلەدى. ودان قالاي قۇتىلۋعا بولادى؟

ءتىس اعارتاتىن ارنايى قۇرىلعىلار

ءتىس قابى

ءتىس قاپتارىن (بوكسشىلار تىستەرىن قورعاۋ ماقساتىمەن كيەتىنى سەكىلدى) ارنايى ءتىس ەمحانالارىندا جاساتۋعا نەمەسە ءدارىحانالاردان دايىنىن ساتىپ الۋعا بولادى. الايدا، دايىن تۇرلەرى تىسىڭىزگە ءدال كەلمەۋى مۇمكىن. سول سەبەپتەن، دۇرىس اعارتپايدى.

قاپ سۋتەك توتىعى جانە كارباميد توتىعى ەرىتىندىلەرىمەن تولتىرىلعان. ولاردى بىرنەشە ساعات بويى تاعىپ ءجۇرۋ كەرەك. ەگەر كۇندىز ءتىس قابىمەن جۇرگەن ىڭعايسىز بولسا، تۇندە ۇيقىعا كەتەردە تاعىپ، تاڭەرتەڭ شەشسە دە بولادى.

العاشقى ناتيجە 2 اپتادان كەيىن بايقالۋ كەرەك. تەمەكى شەگەتىن ادامداردا ول ودان كەش بايقالادى. ەسەسىنە، ناتيجە ۇزاق ۋاقىت بويى ساقتالادى.

بۇل ءادىستىڭ جاعىمسىز جاعى دا بار: ءتىس ەمالىنىڭ بۇزىلۋى، ءتيىس جيەگىنىڭ قوزۋى، ءتىستىڭ ىستىق جانە سۋىق تەمپەراتۋراعا اسەر ەتۋى. سوندىقتان، ءتىس قاپتارىن ءتىس دارىگەرىنىڭ كەڭەسىمەن تاڭداعان ءجون.

جابىستىرمالى سىزىقشالار

تىسكە جابىستىرالاتىن ارنايى سىزىقشالار ءتىس اعارتۋدىڭ ءتيىمدى التەرناتيۆاسى بولىپ تابىلادى. ءبىراق، بۇنىڭ دا ءوز مينۋستارى بار: ءتىس اعارعانىمەن، ءتىستىڭ اراسىنداعى تەتىكتەرگە سىزىقشالار اسەر ەتپەيدى. سول سەبەپتەن، ءتىستىڭ ورتالارى سارى بولىپ قالۋ قاۋپى بار.

گەل

ءتىس اعارتۋدا ەڭ وڭاي تاسىل - ارنايى اعارتاتىن گەل. گەلدى شوتكانىڭ كومەگىمەن تىسكە جاعىپ، وزىندىگىنەن ەرىپ كەتپەگەنشە كۇتۋ كەرەك. العاشقى ناتيجەلەر 2 اپتانىڭ ىشىندە ءبىلىنۋى كەرەك.

ستيكتەر

ءتىس اعارتۋشى ستيكتەر ەرىن دالابىنا ۇقسايدى. ءبىراق، ءىشى ارنايى اعارتاتىن گەلگە تولى. بۇل گەلدى تىسكە ارنايى شوتكانىڭ كومەگىمەن جاعىپ، بەس مينۋتتان كەيىن سۋمەن شايىپ تاستاۋ كەرەك.

كوفە، تەمەكى، شاراپتىڭ ءىزىن بىردەن كەتىرەدى. ءبىراق، ادەتتە، ءتىستى تولىعىمەن اعارتۋ ستيكتەردىڭ قولىنان كەلمەيدى.

ءتىس پاستالارى

جارناماعا سەنىپ، كەز-كەلگەن ءتىس اعارتاتىن پاستانى الىپ جۇرمەڭىز. ولاردىڭ باسىم بولىگىنىڭ قۇرامىندا امبروزيۆتى قوسپالار بار بولعاندىقتان، بۇنداي پاستالار ءتىس ەمالىن زاقىمدايدى.

سوندىقتان، قۇرامىندا ارنايى حيميالىق قوسپالارى بار ءتىس پاستالارىن تاڭداۋ كەرەك. ءبىراق، بۇل پاستالاردى ۇزاق ۋاقىت بويى قولدانۋعا بولمايدى. سول سەبەپتەن، جاي ءتىس پاستالارىمەن الماستىرىپ وتىرعان ءجون.

ءۇي جاعدايىندا ءتىس اعارتۋ

اعاش شايىرى

اعاش شايىرىنىڭ قۇرامىنا كالي گيدروكسيدىنىڭ قوسپاسى كىرەدى. سول قوسپا سارعايعان ءتىستى اعارتۋعا كومەكتەسەدى. اعاش شايىرىن بولەك نەمەسە ءتىس پاستاسىنا قوسىپ پايدالانسا دا بولادى. ءبىراق، بۇل ءتاسىل دە ءتىس ەمالىنە جاعىمسىز اسەر ەتەدى.

قۇلپىناي

تابيعي قۇرامداس بولىكتەرىنىڭ ارقاسىندا قۇلپىناي ءتىس ەمالىندەگى كۇڭگىرت داقتاردى كەتىرە الادى. قۇلپىنايدان ەزبە جاساپ، تىسكە جاعىپ، بىرنەشە مينۋتتان كەيىن شايىپ تاستاڭىز.

اس سوداسى مەن سۋتەك توتىعى

بۇل ءتاسىلدى ادامداردىڭ بارلىعى دەرلىك جاقسى بىلەدى. ءبىراق، اس سوداسى امبروزيۆ بولعاندىقتان، ءتىستىڭ ەمالىن بۇزادى. سونداقتان، ءتىس اعارتۋدىڭ بۇل تاسىلىنە اپتاسىنا ءبىر رەتتەن ارتىق جۇگىنبەگەنىڭىز دۇرىس.