سومالي استاناسىندا قارۋلى توپ تۇركيا ازاماتتارىنا وق جاۋدىردى

استانا. قازاقپارات - سومالي استاناسى موگاديشو قالاسىنداعى تۇركيا ەلشىلىگىنىڭ ماڭىندا بەلگىسىز بىرەۋلەر تۇركيالىق ازاماتتارعا وق جاۋدىردى.

سالدارىنان التى ادام قازا تاپتى، - دەپ حابارلايدى ر ي ا نوۆوستي.

«كىشىگىرىم اۆتوموبيلگە مىنگەن قارۋلى ءبىر توپ ادام تۇركيالىق قىزمەتكەرلەرگە وق جاۋدىرىپ، ولار سول جەردە قازا تاپتى. اتىس كەزىندە سوماليدىڭ دە ەكى ازاماتى قازا تاپتى. ءتورت تۇركيالىق جانە ەكى سوماليدىك ازامات جاراقات الدى»، - دەدى سول ءوڭىردىڭ وكىلى حودان احمەد سالاد.

باسىلىمنىڭ مالىمەتىنشە، قاسكۇنەمدەردىڭ بۇل ارەكەتكە قانداي ماقساتپەن بارعاندارى ازىرشە بەلگىسىز. ولار وقيعا بولعان جەردەن دەرەۋ قاشىپ كەتكەن. جەرگىلىكتى بيلىك وسى ىسكە كىنالى ادامداردى ىزدەپ جاتىر. بولعان جاعدايعا جاۋاپكەرشىلىكتى ازىرشە ەشبىر ۇيىم موينىنا المادى.